పైసల్ కోసం పక్కలు వేసేవారికి,పదవులు కోసం పార్టీలు మారే వారికి గల బేదమేమి?

                                                                    

అదినేతలూ, రాజకీయ రంకును ప్రోత్సాహించకండయ్యా!

  రెండూ ఒకటే మొదటిది శారీరక పరమైన "రంకు", రెండవది రాజకీయ పరమైన "రంకు", అంతే తేడా!

  అరెరే!పదియెండ్లు, ముప్పైయేండ్లు ఒకే పార్టిలో ఉండి అనేక కీలక పదవులు అనుభవించిన వారిక్ కూడా "పదవుల" మీద ఆశ చావకపోతే ఎలా? వీరిని నమ్మా ప్రజలు వోట్లు వేసి గెలిపించేది?ఇన్నాళ్లు నమ్మిన పార్టిలనే నట్టేట ముంచిన వాడు, జనాల్ని ముంచడని గ్యారంటీ ఏమిటి? పై పెచ్చు ముందుగానే "బేరాలు" ఆడుకుని పలాని సీటు ఖాయమనుకున్నాకే పక్క మారుతున్నారట!

  ఇలాంటి వారిని గురించి రామదాసు గారు ఒక మంచి మాట చెప్పారు!

  "పదవూలు, బిరుదులు పైనా,
   పర నారీ పెదవుల పైనా,
   బుద్దంతా నిలిపేవాడూ, బూడిదైపోతాడు!

   ఖచ్చితంగా ఎరుక గలిగిన ప్రజలు, వీరికి డిపాజిట్లు దక్కకుండా చేస్తారేమో చూడాలి.   

లేచిపోవడంలో ఉన్న మజా! అనుభవించితే తెలియునులే!లలలాం...లలలాం...లలా...

                                                                       

   ఈ రోజు పేపర్లో ఒక మాటర్ చూశా!నగరాల్లో, కలిగిన తల్లితండ్రులు  తమ అమ్మాయిలు కనిపించాడం లేదని పిర్యాదు చేయటం ఈ మద్య ఎక్కువుగా జరుగుతుందట! ఎదైనా అమ్మాయిల విషయంలో జాగర్తగా వ్యవరించాల్సిన అవసరం అటు తల్లి తండ్రులకు, ఇటు పోలిసులకు ఉంది కాబట్టి, సాద్యమైనంత వరకు అమ్మాయిల మిస్సింగ్ కేసులు సీక్రెట్ గానే దర్యాప్తు చేయబడతాయి.

   అమ్మాయిల మిస్సింగ్ ల కేసులలో నూటిక్ తొంబయి వంతులు,ఇష్ట పూర్వకంగా  లేచిపోయిన బాపతేనట! అందులో డెబ్బయి  శాతం కొంకాలం జాలీగా గడిపాక తిరిగి ఇంటికి బుద్దిగా తిరిగి వచ్చి, తల్లితండ్రులు చూశిన వరుల ముందు తలవంచుకుని తాళి కట్టించుకుంటునారట!మిగతావారి సంగతి ఆ దేవుడికే ఎరుక! ఇలా లేచిపోతున్న వారిలో అదిక సాతం విద్యార్ధినులు, ఉపాది కోసం పల్లెటూళ్ల నుండి వచ్చిన వారు అధికంగా ఉన్నారట!మితిమీరిన సెల్పోన్ వినియోగం, సామాజిక వెబ్సైట్లు అంటే పేస్ బుక్ లో ఖాతాలు, చాటింగ్ లు ఇవన్ని లేచిపోవడానికి, లేపుకుపోవడానికి కారణాలవుతునా యని సామాజిక వాదుల పరిశిలనలో తేలిన అంశాలు.

   మన సమాజంలో "డేటింగ్" ని అంగీకరించం. కాని లేచిపోవడాన్ని ఆపలేని దౌర్బాగ్య పరిస్తితిలో ఉన్నాం. పద్దెనిమిదేళ్లు నిండితే,లేచిపోవడానికి ఎవరి అనుమతి అవసరం లేదు. హాయిగా అన్ని అనుభవాలు పొందాక "చీ" వీడితో జీవితం వేస్ట్ అనేసి ఇంటికి వచ్చిన పిల్లలను గప్ చుప్గా కాని కట్నం మరింత ఇచ్చయినా కాని "కన్యా దానం(?) " చేసేస్తుంటారు తల్లి తండ్రులు. పాపం వారికి లేపుకు పోయిన వారిమీద ఎటువంటి చర్యలు తీసుకునే అవకాశం చట్టం ఇవ్వలేదు మరి!కొంత మంది అయితే ఇదంతా వయసు చేసే పొరపాట్లు, విదేశాలలో "డెటింగ్" ఉంది కాబట్టి పిల్లలు తమకు నచ్చిన వరిని ఎన్నుకునే అవకాశం ఉంటుంది, డర్టీ ఇండియాలో అది లేదు కాబట్టి దాని బదులు "లేచిపోయి" పరీక్షించుకుంటునారు అంటున్నారు. నిజమే మరి! పూర్వ కాలంలో పెండ్లి పెద్దల ఇష్టం కాబట్టి,ఏ టెస్ట్ లు లేకుండానే పెళ్లిలు చేసుకునే వారు. మరి ఇప్పుడు పిల్లల ఇష్టమే కాబట్టి వారు కొంత కాలం ఒకరి నొకరు అర్థం చేసుకోవదూ! అందుకే "లేచిపోవడం" అన్న మాట! అన్న మాటేమిటి, ఉన్నమాటే!

  అటు ప్రభుత్వం వారు కూడ యువతరానికి "డేటింగ్" స్వేచ్చ ఉండాలనే బావిస్తుండవచ్చు! కాకపోతే చాదస్తపు పెద్దలు, ఆ మాటంటే నాన నానా యాగీ చేసి, ప్రబుత్వాలను దించి వేస్తారనే బయంతోనో, లేక ఆ కారణం తో మత వాద పార్టిలు ఎక్కడ అధికారాన్ని హస్తగతం చేసుకుంటాయో అన్న బయంతో ఇలా ఇండైరెక్ట్ గా " పద్దెనిమీదేళ్ళు" వయో పరిమితి పెట్టి, యువతకు ఆ తర్వాత ఫుల్  స్వేచ్చ నిచ్చింది కాబట్టె, ఈ విదంగా "డేటింగ్" లు బదులు "లేచిపోయింగ్" లు ఎక్కువవుతుండవచ్చు!

   ఇక పోలిస్ వారేమో లేపుకుపోయే వారిని చట్ట ప్రకారం మేమేమి చెయ్యలేము, మీ పిల్లల్ని జాగర్తగా కాపాడుకోవడం మీ బాద్యత అని తల్లితండ్రులకు ఉచిత సలహాలు పడేస్తుంటే, చెసేదేమి లేక పాపం తల్లితండ్రులు తిరిగివచ్చిన తమ బిడ్డల్ని "పరువు హత్యలు" చేసే దుష్ట సాంప్రదాయం మనది కాదుకనుక "కడుపు చించుకుంటే కాళ్ల మీద పడుతుందని" ఎవరి కాళ్ళో పట్టుకుని వారి కాళ్ళు కడిగి, "కన్యా దానం " బదులు "కాంతా దానం" చేసి అటు పరువుని ఇటు పిల్లల్ని కాపాడుకుంటునారు.

  ఓ లేచి పోయే  యువతీ యువకులారా! ఒక్క సారి ఏదయినా ఎంట్రన్స్ టెస్ట్లు జరుగుతున్న సెంటర్ క్ వెళ్ళి చూడండి. లోపల పరీక్ష రాసేది ఒకరైతే,  బయట మీ మీద ప్రేమాభిమానాలతో, మీకేరీర్ కోసం, నాలుగు కళ్ళు ఎంత ఆత్రంగా చూస్తుంటాయో! వారేరా తల్లి తండ్రులు! నిత్యం మీకోసం తపించిన ఆ తల్లితంద్రుల అనుమతి మీ పెండ్లికి అవసరం లేదా? అంత క్రుతజ్ణుల గా ఎలా మారి పోతున్నారు? పాపం తల్లితండ్రులను ఈ దౌర్బాగ్య పరిస్తితి నుండి కాపాడే వారెవ్వరు?      

                                                          

పడితే "ఉడుం" పట్టే పట్టాలి! ఏడిస్తే "గబ్బిలం" ఏడుపే ఏడ్వాలి!

                                                    ఏడిస్తే "గబ్బిలం" ఏడుపే ఏడ్వాలి!


  ఈ మద్య మేము ఒక చోటుకి వెళ్లాం. అది కొంచం చెట్టు చేమలు ఉన్న ప్రాంతం కావడ వల్ల, అక్కడ కొన్ని జీవులు కనిపించాయి. పట్టణాలో ఉండే వారికి ఇవి సాదారణంగా కనపడవు. అందులో ఒకటి "ఉడుము" కాగా, రెండవది గబ్బిలం. సరదా కోసం ఆ రెండింటిని పొటో తీసాము. గబ్బిలం ని పట్టుకుంటే చూడండి అది ఎలా తేలు కుట్టిన దొంగలా ఏడుస్తుందో!ఉడుము మాత్రం ఎంత సేపు నిరీక్షించినా గూడులో నుండి బయటకు రాలేదు. పట్టుకుందామని ప్రయత్నిస్తే, లోపలకు వెల్లిపోతుంది. అందుకే లోపల ఉంచే పోటో క్లిక్ చేసాం.                    

లక్షలు పోసి, డాక్టర్లు అయినోళ్లు, చచ్చినోళ్లకు కాక, బ్రతికున్నవారికి వైద్యం చేస్తారా!?

                                                       

                                                                    

  మన వైద్యులు 50%  మంది ప్రతిబ ఆదారంగా, మిగతా 50% శాతం మంది మేనేజ్మెంట్ కోటాలో డబ్బులు పోసి మరీ వైద్య పట్టాలు కొనుగోలు చేస్తున్నారు.  ఈ విదంగా లక్షలు ఖర్చుపెట్టిన వారికి, ఆ డబ్బు వడ్డీతో సహా ఎలా గుంజుదామా అనే ఉంటుంది కాని,రోగులు, వారి రోగ నివారణ  పట్ల శ్రద్ద ఎందుకుంటుంది?.

  మొన్న మన రాష్ట్రంలోనే చనిపోయిన వ్యక్తికి చికిత్స పేరుతో వైద్యం చేసినట్లు నటించి వేల రూపాయలు కాజేస్తే, విషయం తెలుసుకున్న మ్రుతుని బందువులు లబో దిబో మంటూ, డాక్టర్ల మీద పోలిస్ కేసు పెట్టారు. నిజంగా వారు చదుకున్న వారేనా? అదీ ఒక పవిత్రమయిన వైద్య వ్రుత్తిలో ఉండి ఆ విదంగా చెయ్యడానికి వారికి సిగ్గు ఎలా అనిపించ లేదో? ఒక వైద్యుని తయారు చెయ్యడానికి ఎవరు ఎంత ఖర్చు పెట్టినా, వైద్య విజ్ణానం ఎవడబ్బ సొత్తు కాదు. అది మహానీయుల కఠోర శ్రమ పలితం. తరతరాలుగా పెంపొంధిచుకుంటూ వస్తున్న సామాజిక సొత్తు. దానిని డబ్బున్న వారికి అమ్మడం నిషిద్దం. అందుకే వెనుకటి కాలంలో గురువులు, మానవత్వం కలిగి, సమాజానికి ఉపయోగపెడతారు అనే వారికే ముఖ్య మైన శాస్త్ర విజ్ణానం బోదించే వారు. మరి ఈనాడు ఒక M.B.B.S   సీటు సుమారు యాబయి లక్షల నుండి కోటి రూపాయల వరకు అమ్ముకుంటున్నారు అంటే తప్పు ఎవరిది? ఇలా సీట్లు కొనుకుని వైద్య శాస్త్రం అభ్యసించిన వారు,చచ్చినోళ్లకు కాక బ్రతికున్నోళ్లకు వైద్యం చేసే ప్రతిభ ఉంటుందా?

   సంవత్సరానికి ఒక సారి అది ఉచితంగానే, తాము నమ్మిన వైద్యం, ఎవరికి హాని లేనటువంటిది అని రుజువు కాబడ్డ "బత్తిన సోదరులు" ఇచ్చే చేప మందు వంటి వాటి గురించి గగ్గోలు పెట్టే విజ్నానులకు ఈ శాస్త్రీయా వైద్యులు చేసే మోసాలు కనపడవా? కనపడకపోవచ్చు మరి!   

నాగరీకులుగ మనకు ఇన్ని యేండ్లు వచ్చినా, అత్యాచార కేసుల్లో "రెండు వేళ్లు" టెస్ట్,సిగ్గు!సిగ్గు!

                                                        
                                                                  

  మొన్న మన సుప్రీం కోర్ట్ వారు ఇచ్చిన తీర్పు, మానవీయ నాగరికతను కాపాడే విదంగా ఉంది.ఒక స్త్రీ అత్యాచారానికి గురి అయిందా లేదా అనడానికి లాబ్ టెస్ట్ ద్వారా నిర్దారిస్తున్నా,స్త్రీ యొక్క పూర్వ లైంగిక అనుబవ నిర్దారణకు పాత పద్దతి అయిన "రెండు వేళ్లు" టెస్ట్,చెయ్యడం అనాగరిక పద్దతి గానే బావించవచ్చు.

   ఇక్కడ "రేప్" అంటే స్త్రీ అంగీకారం లేకుండా పురుషుడు చేసే లైంగిక దాడి.దానికి స్తీ పూర్వానుబవంతో పని లేదు. లైంగిక క్రియ అంగీకారంతో జరిగిందా, లేదా అనేదే పాయింట్. అంతే కాని మె చెడు నడతను డిఫెన్స్ గా నిందితుడు కోరజాలడు అని సుప్రీం కోర్ట్ వారు స్పష్టం చెయ్యడం ముదావహం.

  ఒక వ్యక్తి కి బాగా స్వీట్లు తినే అలవాటు ఉందనుకుందాం. అంత మాత్రం చేత తనకు ఇష్టం లేని వ్యక్తి, బలవంతంగా స్వీట్ను నోట్లో పెడతానంటే కుదురుద్దా?ఆత్మాభిమానం దెబ్బ తినదా!అది కూడా నేరమే కదా. ఈ సూత్రమే లైంగిక దాడికి కూడా వర్తిస్తుంది. కాకపొతే ఆమే వైపు నుండి ప్రేరేపన ఉండి, లైంగిక క్రియ జరిగి,ఆ తర్వాత ఇతర కారణాలు అంటే  సమయంలో ఆమె తరపు వారు చూడడం లాంటివి జరిగినపుడు, కేసులు పెట్టడం జరుగుతుంది. అటువంటి కేసులలో కూడ ఆమే పూర్వానుబవం ప్రసక్తి అవసరం కాదు. మౌకికంగా సాక్షులను విచారించడం ద్వారా విషయ నిర్దారణ చేయవచ్చు. ఏది ఏమైనా సైన్స్ ఇంతగా అబిరుద్ది చెందిన ఈ రోజుల్లో కూడ ఇంకా ఈ అనాగరిక పరీక్షలేమిటి? ఇది పల్లెటూల్లో "శీల పరిక్ష" కోసం "కాల్చిన గడ్డ పార" దూయడం కంటే అనాగరికమయినది. ఇప్పటికయినా సుప్రీం కోర్ట్ వారు  దీని మీద ఒక స్పష్టమయిన తీర్పు ఇవ్వడం సంతోషించదగ్గ విషయం.

   కొంత మంది స్త్రీలు ఇతరుల చెతిలో పాచికలు మారడ వల్ల కాని, బ్లాక్ మెయిల్ కోసం కాని నిర్దోషులైన వారి మీద తప్పుడు కేసులు పెడుతుండడం వల్ల అట్టి నిర్దోషులను కాపాడడానికి ఇటూవంటి టెస్ట్ లను కొన్ని సార్లు కోర్టులు పరిగణనలోకి తీసుకుంటుండ వచ్చు.అయినా ఈ అనాగరిక విదానాన్ని త్యజించి, ఇతర సాక్ష్యాలు (సైంటిఫిక్) పద్దతిలో విషయ నిర్దారణ చేస్తే మంచిది.

కొసమెరుపు:- "మాయా బజార్" సిని మాలో చూపించిన "సత్యపీటం" లని ఎవరైనా కనుకుంటే బాగుండు.వాటిని ప్రతి కోర్టులో ఉపయోగించి తప్పుడు సాక్ష్యాలు చీపే వాళ్ళ ఆటలు కట్టించవచ్చు. మన సైంటిశ్టులు వాటిని కనిపెడతారని ఆశిద్దాం.       

నొప్పించక, తానొవ్వక, కళంకితులను తప్పించిన కలేజా ముఖ్యమంత్రి!

                                                           

                                                              

  ఎందుకో మన ముఖ్యమంత్రి గారిని చూస్తే, కలేజా ఉన్న ముఖ్యమంత్రే అనిపిస్తుంది. ఆయనకి, హంగూ ఆర్బాటం, పిచ్చి మాస్ ఫాలోయింగ్ లేకపోయినా కొంచం చట్ట పరిదిలో తన పరిదిని, ప్రజల పట్ల నిబద్దతని గ్రహించి మెలుగుతున్న నాయకుడు అనిపిస్తుంది.

  ఆయన ముఖ్యమంత్రి అయినప్పుడు, ఈయనకి ఏం చూసి అధిష్టానం ముఖ్య మంత్రి పదవి కట్టబెట్టిందబ్బా! అని ఆలోచించించారు అటు  నాయకులు ఇటు ప్రజలు. ఆయన పెద్ద అవినీతి సామ్రాట్ అని ముద్రపడిన వాడు కాదు కాబట్టి, పైసల్ సంపాదించడం చేతకాని వాడికి పదవెందుకు అని పెదవి విరచిన వారూ ఉన్నారు.ఒక పక్క తెలంగాణా పేరుతో ప్రాంతీయ సెగలను బూచిగా చూపించి పదవులు పొందాలని ఆరాటపడుతున్న వ్రుద్ద నాయకులు, ఇంకొక పక్క ఆఫ్త్రాల్ మా అవినీతి సామ్రాజ్యానికి ఎవడయినా తల వంచాల్సిందే అని అంగబలం, అర్థబలం చూపి బయపెడుతున్న జగన్నాటక సూత్రదారులను ఎలా కట్టడి చేస్తాడని డిల్లీ పెద్దలు, ఆలోచించారో ఎవరికి అర్థం కాలేదు. తుమ్మితే ఊడిపోయే ముక్కనే అందరూ అనుకున్నారు.కాని తాను అందరూ అనుకున్నట్లు కాదని నల్లారి వారు రుజువు చేస్తున్నారు.

  అధిష్టాన దేవతను సంత్రుప్తి పరచడానికి రోడ్డు మీద ధర్ణా చేసి, ముఖ్యమంత్రి స్తాయిని దిగజార్చిన, మాజీల వలే అత్యంత దూర్త వినయం ప్రదర్సీంశింపలేదు. అలా అని అసలు అధిష్టానాన్ని "సీమ దొర" ల వలే బేఖాతరు చెయ్యలేదు. ఒక ప్రక్క ప్రతిపక్షాల దాడులను సమర్థంగా తిప్పి కొడుతూనే, మరొక వంక పార్టీ ప్రతిష్టను దిగజార్చుతున్న వారి బరతం పట్టడం మొదలెట్టారు.సి.బి.ఐ. చార్జ్ షీట్ మంత్రులను ఒక పక్క వెనకేసుకు వచ్చినట్లు అనిపిస్తూనే, కేంద్ర మంత్రులకు ఒక న్యాయం, రాష్ట్ర మంత్రులకు ఒక న్యాయం పాడి కాదని,అదిష్టానం బావిస్తున్నట్లు, సదరు మంత్రులను ఒప్పించి వారి లాంచన రాజీనామాలను లక్షనంగా ఆమోదింపచేసిన ఘనాపాటి నల్లారి బిడ్డ అని చెప్పక తప్పదు.

  అవినీతి డబ్బుతో, అహంకారంతో విర్రవీగే నాయకులు కాదు ఇప్పుడు ప్రజలకు కావాల్సింది. కనీసం తాము చేస్తున్న చట్టాలకు విలువిచ్చి, అవి వాటి పని అవి చేసుకు పోయేలా చూడగలిగిన సౌమ్యులైన నాయకులు చాలు మనకి. ఆ లక్షణాలు  మన ముఖ్య మంత్రి గారిలో పుష్కలంగా ఉన్నాయనే  అనుకుందాం.

  మేము ఇంతకు ముందు టపాలో "కేంద్ర మంత్రులు కంటే    మన మంత్రులు చాలా పవర్పుల్లా"http://kalkiavataar.blogspot.in/2013/05/blog-post_14.html అని అడిగాము. కాదు చట్టం ముందు అందరూ సమానమనే నిరూపించిన ముఖ్య మంత్రి గారికి దన్య వాదములు తెల్పుతూ...  " కల్కి ఖడ్గం"

 

 

ఆమెది విచ్చలవిడి తనం నచ్చితే కాళ్ళు పట్టుకో! అంతేకాని ఆమెనే పట్టుకుంటానంటే ఎలా?

                                                                

  ఆమె ఒక మనిషి లాంటి దేవత!. సాక్షాత్తు, సమాజంలో ఎవరి ప్రమేయం లేకుండా దివి నుండి భువికేగిన దేవకన్య(?) ఇంద్రజ!ఆమెకు సమాజంలోని సంప్రదయాలు, కట్టుబాట్లు వర్తించవు గాక! ఆమె తన ఇచ్చ వచ్చిన వారితో విచ్చలవిడిగా సంచరించు మదవతి యగు గాక!అంత మాత్రం చేత ఆమెను చెరపట్టు హక్కు నీకెవరు ఇచ్చారు? ఆమే తన అయిష్టాన్ని వ్యక్తపరిచే హక్కు కల పౌరురాలు. ఆమే ఇష్టానికి భంగం కలిగిస్తే ఎంతటివారైనా శిక్షకు గురికాక తప్పదు.

  ఇలా కాకపోయినా ఇంచుమించు ఇదే అర్థంతో మన చట్టాలున్నట్లు ఇటీవలి బారత అత్యున్నత న్యాయ స్తానం వారు ఇచ్చిన తీర్పు వల్ల మనకు అవగతమవుతుంది.ఇక్కడ ఒక విషయం అర్థం చేసుకోవలసింది ఏమిటంటే, ఒక స్త్రీ విచ్చలవిడి తన్నాన్ని చూస్తే నిజంగా బుద్దున్న వాడెవ్వడూ అటు వంటి స్త్రీ సాంగత్యాన్ని కోరుకోడు.ఒక వేళా వీడూ అటువంటి బుద్దిలేని వెదవైతే, ఆమే విచ్చలవిడి తనం నచ్చితే, ఆమె పొందు కోసం తపిస్తుంటే, కాసులన్నా ఇచ్చి మచ్చిక చేసుకోవాలి,లేదా కాళ్లు పట్టుకుని అయినా కక్కుర్తి తీర్చుకోవాలి. అంతే కాని అబలే కదా, ఎలాగూ అదే బాపతు కదా, అని రేప్ చేస్తావురా మగాడా! ఆమే కారెక్టర్ లూస్ అయితే, ఆమెను కోరుకున్న నీ కారెక్టర్ ఎటువంటిది?కాబట్టి ఒక కారెక్టర్ లెస్ ఫెలో కి మరొకరి కారెక్టర్ ని డిఫ్ ఎన్స్ గా మార్చుకునే వీలు లేదు. ఇది దర్మ సూక్ష్మం.

   కాకపోతే మన సుప్రీం కోర్టువారు ఇంకొక కోణంలో కేసును పరిశిలించి, ఒక విచ్చలవిడి మనస్తత్వం ఉన్న స్త్రీకి ఉండే సచ్చీలత, ఆత్మ గౌరవం గురించి నొక్కి వక్కాణించారు. పాపం అది విన్న మన దేశపు సగటు స్త్రీలకు "స్త్రీ ఔన్నత్యం" అనే పదానికి అర్థం తెలియక బుర్రలు గోకుంటూ ఉంటారు."ఒకరితో కాపురంచేస్తున్నా, వందమందితో విచ్చలవిడిగా తిరిగుతున్నా ఆడది, ఆడదేరా డోంగ్రే" అని ప్రతి మగ వాడు తెలుసుకోవాలి. అనుమతి లేకుంటే మొగుడైనా ముట్టుకుంటే శిక్షించే చట్టమున్న ఈ దేశంలో పరాయి దానిని ఎలా ముట్టుకుంటారు?.కాబట్టి కాసులిచ్చే దమ్మన్నా ఉండాలి, కాళ్ళు పట్టుకునే టెక్నిక్కన్నా తెలిసుండాలి.లేకపోతే ఒక్క రోజు బాగోతానికి మూతి మీసం గొరిగించుకున్నట్లు, కాసేపు కక్కుర్తికి కటకటాలు తప్పవు!
     కాకపోతే సగటు భారతీయ మగవాడి యొక్క విన్నపం ఒకటే. ఒక అద్యయనం ప్రకారం ప్రపంచ వ్యాప్తంగా పురుషునికంటే స్త్రీయే ఎక్కువ నైతిక విలువలు కలిగి ఉండడంలో సమర్దురాలు . "మగ బుద్ది" అనేది వెదవ బుద్ది అని నానుడి. స్త్రీల యొక్క నైతిక జీవనం మగవాడి బుద్దిని ప్రబావితం చేస్తుంది. ఏ కోర్టులు ఎన్ని తీర్పులు ఇచ్చినా, లైంగిక దాడి చేసేది మగవాడే,బాదితురాలు స్త్రీయె. ప్రక్రుతి పరంగా కూడ ఉన్న ఈ పక్షపాతాన్ని గుర్తుంచుకుని, కనీసం స్త్రీలు అయినా  నైతిక జీవనానికి కట్టుబడితే సమాజం అంతా కట్టుబడినట్లే.

ఫిక్సింగ్ మాచ్ లు చూసి పిచ్చెత్తిపోవడమేనా, క్రికెట్ అంటే?

                                                                   

                                                               

  ఒక్క సారి కాదు, ఎన్నిసార్లు చెప్పినా మనకు పట్టిన క్రికెట్ పిచ్చి పోదు కాక పోదు. క్రికెట్ అంటే పిచ్చివాళ్ళ ఆట అని మేదావులు ఎంతమంది చెప్పినా, దాని మత్తులోనుండి బయటపడే పరిస్తితి లేదు. ఈ రోజు డ్రగ్స్ కంటే బయంకరమయిన మత్తు జబ్బు లాగ యువతను పీడిస్తుంది ఈ క్రికెట్ మహమ్మారి.యువత బలహీనతను అటు కంపెనీలు, ఇటు ప్రబుత్వ ఏజెన్సీలు సొమ్ము చేసుకుంటున్నాయి.కొన్ని కోట్ల రూపాయల వ్యాపారంగా క్రికెట్ ఆటను మార్చిన ఘనత వీరికి దక్కుతుంది.

  క్రికెట్ అనేది డ్రగ్స్ కంటె ఎక్కువ మత్తిచ్చే పిచ్చి కాబట్టే అండర్ వరల్డ్ డాన్స్ కన్ను దీని మీద పడి ఉంటుంది. అందుకే  ఈ ఆట పేరున బెట్టింగ్లు మొదలు అయ్యాయి. ఎలాగు బెట్టింగ్లు పేరిట కోట్ల రూపాయలు చేతులు మారుతున్నాయి కాబట్టే, మాచ్ ఫిక్సింగులు మొదలు అయ్యాయి. అందుకు ఆటగాళ్ళ సహకారం కూడ ఉంది కాబట్టి, ఈ వ్యాపారం మూడుపువ్వులు ఆరుకాయలుగా విరాజిల్లుతుండవచ్చు. అసలు ఒక ఆటని వ్యసనం లాగా చూసి ఆనందించడం ప్రజల మానసిక దౌర్బల్యానికి గుర్తు గా బావించ వచ్చు. అటువంటి దౌర్బల్య స్తితికి ప్రజల్ని దిగజార్చుతున్న ఈ క్రిడ ను ప్రజలు నిరసించాలి. లేకుంటే చూడటమే తప్పా ఆటలు ఆడలేని అర్బక జాతి తయారవుతుంది.    

కేంద్ర మంత్రులు కంటే, మన మంత్రులు చా...లా.....?

                                                                

  పవర్ ఫుల్లా! అనిపిస్తుంది. అక్కడ కుంభకోణాల్లో నిందితులైన వారు కిమ్మన్నకుండ రాజీనామాలు చేసి వైదొలిగితే, ఇక్కడ కోర్టుల చేత సమన్లు పొంది, విచారణకు సైతమ్ హాజరై రావడానికి రెడీ కాని రాజీనామాలు మాత్రం ఇవ్వం గాక ఇవ్వం అంటున్నారు. అటు ముఖ్యమంత్రి గారు కూడా వారికి న్యాయ సహయం అందించాడానికి సిద్దం అన్నట్లు ప్రవర్తిస్తూ, ప్రజల్ని విస్మయ పరుస్తున్నారు. మన మంత్రులు ఏ చట్ట ప్రకారం న్యాయ సహాయం పొందడానికి అర్హులో ప్రజలకు వివరిస్తే బాగుంటుంది.

   ఇంత అనైతిక పాలన నడపడం కాంగ్రెస్ ప్రబుత్వానికి అవసరమా?. అక్కడ కేంద్రంలో, ఇక్కడ రష్త్రంలో ఒకే పార్టీ అధికారంలో ఉన్నప్పటికి ఈ ద్వంద నీతి ఎందుకో అర్దం కావడం లేదు. బాహూశా మన మంత్రులు కేంద్ర మంత్రులకంటే పవర్ ఫుల్లై ఉండాలి! లేదా మన ఆంద్రులుకు ఇటువంటి అవినీతి ఆరోపణలు బాగా అలవాటై ఉండి, వీటి గురించి పెద్దగా పట్టించుకునేదేముందిలే  అనే ద్రుక్పదం కలవారై ఉండాలి.
          ఆంద్రులు ఆరంభశూరులే కాదు, అవినీతి సమర్దనా ఔదార్యులు! అని కూడా మనం చరిత్రలో మిగిలిపోయే రోజు  వస్తుంది.
     

తిరుమలలో జై కొట్టొచ్చు, సుప్రీంకోర్టులో జై కొట్టాలంటె కుదురుద్దా!?.

                                                                         

                                                                  
  ఒక సారి వై.యస్.ఆర్.పార్టీ అదినేత, శ్రీ జగన్ గారు తన మందీ మార్బలంతో, తిరుమల కొండకు వెళ్ళారు. ఆయన మతరీత్యా హిందూయేతరుడు. కాని ఇతర మతాలకున్న అలౌకిక తత్వం హిందువులకు లేదు కాబట్టి, ఆయన ఆ పవిత్ర గిరి మీద,ఆ దేవదేవుని సన్నిదిలో, తన అనుచరగణంతో  జైజగన్ జై జై జగన్ అనిపిస్తూ, రాజాది రాజు సంచరించినట్లు హల్ చల్ చేశారు. సరే ఆ రోజు అక్కడ ఉన్న అధికారులెవ్వరికి దీని మీద చర్యలు తీసుకునే దమ్ములు లేక పోయినవి.

  ఇక తిర్మలేశ్వరుడు కూడా, అన్ని మతాల బిడ్డలు తన బిడ్డలే కాబట్టి, బిడ్డలు తనను ఖాతరు చెయ్యక పోయిన కోపగించ్కోవడం తండ్రి దర్మం కాదు కాబట్టి,అక్కడ అంతా సాజావుగానే అనిపించ వచ్చు. కాని హిందూసోదరుల మనోబావాలు దెబ్బతింటాయని సదరు నాయకులు తెలిసికోకపోవడం విచారకరం.

  మొన్న సుప్రీం కోర్టులో అదే నాయకుడి బెయిల్ విషయం మీద వాదనలు జరిగాయి. మన రాజ్యాంగం ప్రకారం జై కొట్టే జనం బలం చూసి కాక , ఒక్కరు చెప్పినా, వాదనలు  బట్టె మన కోర్టులు న్యాయా న్యాయ నిర్ణయం చేస్తాయి కాబట్టి, కోర్టులో అనుచరులు జై కొట్ట లేకపోయారు. ఇక న్యాయ వాదులు కూడా, సి. బి.ఐ. వారి మీద అప వాదులు మోపే సరికి, చిర్రెత్తుకొచ్చిన సి. బి.ఐ వారు ఒక ఇంటర్నేషనల్ లెవల్ క్రైమ్ ని సాదరణ క్రైం లాగ పరిమితి గడువులో దర్యాప్తు ముగించాలంటే మానవ మాత్రులైన తమ వల్ల కాదు, ఆయనకు బెయిల్ ఇస్తే దర్యాప్తు కష్టం అనే సరికి అత్యున్నత న్యాయ స్తానం వారు మాత్రం ఏమి చెయ్య గలుగుతారు. అందుకే మరో నాలుగు నెలల గడువు సి.బి.ఐ. వారికి ఇచ్చే సరికి సదరు నాయకుడు, వారి అనుచర గనం జై కొట్టలేక, దిగాలుపడిపోతున్నారు.

  పోని కాంగ్రెస్ వారితో, ఎమైనా చేయి కలిపి సి.బి.ఐ. వారి ఫోర్స్ తగ్గిదామా అని చూస్తే ఆ దేవునికి ఇది కూడా ఇష్టం లేనట్లుంది, సి.బి.ఐ వారికి స్వతంత్ర ప్రతిపత్తి ఇచ్చేలా చట్టం చెయ్యాలి అని, ఇందుకు జులై నెల దాక,కేంద్ర ప్రబుత్వానికి  సుప్రీం కోర్ట్ గడువు విదించింది. కాబట్టి వాస్తవ పరిస్తితుల మీదే జగన్ ఆదారరపడితే మంచిదేమో, రాజకీయ బలంతో జనం నోళ్ళు తెరిపించి,అధికారుల నోళ్లు నొక్కుదామనుకుంటే కోర్టులు చూస్తూ కూర్చోవు. ఒక వేళా అటువంటి పరిస్తితులే వస్తే భగవంతుడు చూస్తూ ఊరుకోకపోవచ్చు.