వాడికి "రేప్" చెయ్యగల ’మగ ’ తనం వచ్చింది కానీ "ఉరిశిక్ష" వేయించుకోగల" వయో " తనం రాలేదన్న మట!

                                                                  

                                                               
 ఈ రోజు "నిర్భయ" కేసులో నిందితులందరూ, శిక్షార్హులు అని డిల్లి లోని  సాకేత్ కోర్టువారు తీర్పు ఇచ్చారు. చాలా సంతోషించ దగిన విషయం. రేపు శిక్ష నిర్దారణ చేస్తారు .జాతి మొత్తం ,మ్రుగాళ్ళకు ఉరిశిక్ష పడుతుందని ఎదురు చూస్తున్నరు. దేశం లో సంచలనం రేపిన కేసు మాత్రమే కాక అనేక చట్ట సవరణల కు దారి తీసిన కేసు ఇది. అంతే కాక స్త్రీ ల రక్షణ విషయం లో న్యాయ వ్యవస్త సైతం పట్టుదలతో ఉంది కాబట్టి, నిందితులకు గరిష్టంగా శిక్ష అంటే "ఉరి శిక్ష" విదించే అవకాశం ఉంది.

 అయితే ఇదే కేసుకు సంబందించి ఇదివరకు, బాలల న్యాయస్తానం, మైనర్ నిందితుడకు మూడేళ్ళు మాత్రమే శిక్ష విదించడం పట్ల జాతి తీవ్ర నిరసనలు తెలిపింది. దీనికి న్యాయస్తానాన్ని తప్పు పట్టవలసిన పని లేదు. చట్ట ప్రకారం అదే మైనర్లకు గరిష్ట శిక్ష మరి! ఎప్పుడో జమానా లో అంటే పాతీకేళ్ళకు కూడా  అమ్మాయిలతో మాట్లాడటానికి  మగాళ్ళు బిడియ పడే రోజుల్లో చేసిన చట్టాలు కామోసు అవి!  అందుకే అంత శిక్ష చాలులే అనుకుని ఉంటారు మన చట్ట నిర్మాతలు. కానీ  ఇప్పుడు పన్నిండేల్లకే  "రేప్"  లు చెయ్యగల ముదురు  పౌరులు అయ్యారు అని గ్రహించ లేక పోతున్నారు నేటి ప్రజా ప్రతినిదులు. లేకపోతే, ఇదే తరహా కేసులో పాల్గొన్న నిందితులకు , అమెరికాలో సైతం కఠిన సిఖ్షలు ఉంటే మన కేమిటీ ఈ దిక్కు మాలిన ఉదారత! అసలు మ్రుగాళ్ళకు "అరబ్ కంట్రీస్ " లాంటి  చట్టలు చేస్తే బాగుంటుందనుకుంటా!

 ఏది ఎమైన నిర్భయ కేసులో మైనర్ గాడికి రేప్ చేసే వయస్సు వచ్చింది కాని ఉరిశిక్ష వేయించుకునే వయసు రాలేదు కాబట్టి బ్రతికి పోయాడు. రేపు వాడు ఎన్నికల్లో నిలబడి "నిర్భయ ఫేం" గా ఏదో ఒక పార్టీ నాయకుడు అయినా ఆశ్చర్య  పడవలసిన పని లేదు.

పిచ్చోడు పిటిషన్ వేస్తే, ప్రొటెక్షన్ ఎదుటోడికి రావడమంటే ఇదే మరి!.

                                                              

 ఎదుటోడు  ఏదైనా చేస్తుంటే కడుపుబ్బు పట్టలేక చేసే పనులన్ని చాలా సార్లు ఎదుటొడికే లాభిస్తాయి. ఈ రోజు సమైఖ్యాంద్రా ఉద్యోగుల సభ విజయవంతం కావడానికి ఉద్యోగులలో ఉన్న సంకల్పం సగం కారణమైతే, ఏమి చేస్తున్నారో తెలియని స్తితిలో, తెలంగాణా  వారు చేసిన ప్రతీకార పనులు సగం కారణం అని చెప్పవచ్చు.

   తెలంగాణా వారు చేసిన పిచ్చి పనుల్లో ప్రధానమైనది సిమాంద్ర ఉద్యోగుల సభకి వ్యతిరేకంగా హై కోర్టులొ పిటిషన్ వెయ్యడం. ఏ కోర్టు అయినా పౌరుల ప్రాదమిక హక్కులకు ముఖ్యంగా బావ ప్రకటనా స్వేచ్చకు భంగం కలిగించే ఆర్డర్ లు ఇస్తుందా? అలా ఇవ్వలేదు సరి కదా,ఉద్యోగుల సబలో ఎటువంటి అవాంచనీయ సంఘటణలు జరుగకుండా చూడాల్సిందిగా పోలీసులకు  స్పష్టమైన ఆదేశాలు ఇచ్చింది. అంతే! అప్పటి దాక పంతొమ్మిది షరతులు పెట్టి సీమాంద్రా ఉద్యోగులను కంగారు పెడుతున్న పోలిసులు, ఒక సారీగ ఎలర్ట్ అయి, సీమాంద్ర ఉద్యొగుల సభను సక్సెస్ చెయ్యడమెలా అనే ఆలోచనలో పడ్డారు. దానిలో బాగంగనే సభలకు ఆటంకం కలిగించే వారి తాటలు తీస్తామని హుకుం జారీ చేసి దానిని పాటించారు కూడా.అడుగడుగునా పోలిస్ రక్షణ కల్పించి, సీమాంద్రా ఉద్యోగుల సమైక్యతా రాగం దేశానికి వినిపించడంలో సక్సెస్ అయ్యేలా సహకరించారు.   ఈ విదంగ తెలంగాణా వారు వేసిన పిటిషన్ సీమాంద్రా ఉద్యోగులకు స్పెషల్  పోలిస్ ప్రొటెక్షన్  ఇచ్చేలా చేసి , ఎనలేని లాబం చేకూర్చింది.

  అందుకే పెద్దలంటారు. చెరపకురా, చెడేవూ! అని . వినిపించుకుంటెనా.  

నాడు నమ్మిన అన్న ! నేడు నట్టేట ముంచిన అన్న,అమ్మ, చెల్లి !

                                                      


 ఒక నాడు  తనకు రాజకీయ జీవితం ప్రసాదించిన రాజశేఖరరెడ్డిగారి తనయుడనే అభిమానంతో, తెలంగాణా కీ చెందిన ఆడబిడ్డ, తనకు గల మంత్రి పదవిని త్రుణప్రాయంగా ఎంచి రాజీనామా చేసి, ఏ పదవి లేకుండా ఆ అన్న(తమ్ముడు ), లాంటి వాడిని నమ్ముకున్నందుకు ఏమి జరిగింది? నట్టేట్లో మునిగినట్లైంది.

  ఆయన మాట తప్పని, మడమ తిప్పని వంశాంకురంఅట! ప్రజల  సొమ్ము అయితే లక్షల కోట్లు కాజేసి చేతనైతే నేరాన్ని నిరూపించండి అని భారత అత్యున్నత పరిశోధనా సంస్తను చాలెంజ్ చేసిన ఘనుడు అతను. అలాంటి వ్యక్తికి, తనను నమ్మి మంత్రి పదవిని సైతం త్యాగం చేసి వచ్చిన చెల్లికి ఏమిచ్చిన్నా తక్కువే. కానీ అలా చేయకుండా చెల్లేలికి పదవుల  మీద నమ్మక్కం లేకపోయినా, తనకు మాత్రమ్ పదవే పరమార్దమని, దాని కోసం కన్న తండ్రి చనిపోయిన కొద్దిగంటలకే తన తండ్రి  సీటు కోసం ప్రయత్నించానని, అలాంటి తనకు సెంటిమెంట్ కోసం చెల్లెలు లాంతి దానిని వదులుకోవటం పెద్ద సమస్య కాదని తేల్చేశాడు.

  మాట తప్పడం,మడమ తిప్పడం ఆ కుటుబానికి తెలుసో తెలియదో కాని, పదవుల కోసం ఎంత కష్టమైన పడే శ్రమజీవులు వారు. అన్న జైలుకి వెళ్ళగానే   పార్టీ ప్రచార   బాద్యతను తన స్వంత చెల్లికి అప్పచెప్పాడు కాని, తన కోసం మంత్రి పదవిని వదులుకున్న వ్యక్తి, విషయ్యాన్ని కుండబద్దలు కొట్టేలా చెప్పగల దైర్యవంతురాలు, రాజకీయ అనుభవం ఉన్న ఆ చెల్లి లాంటి వ్యక్తికి అప్ప చెప్ప లేక పోయాడు. అదీ తనను నమ్మిన వారిమీద ఆయనకున్న నమ్మఖ్ఖం. అలాంటి వాడిని నమ్మీ సీమంద్రా ప్రజలు జే జే లు కొడుతున్నారు.నమ్మి, మంత్రి పదవి వదలి వచ్చిన ఆమెనే నట్టేట ముంచిన వాడు, రేపు సీమాంద్రులను ముంచడని గ్యారంటీ ఏమిటి? పాపం సీమాంద్రులు! 

    మీకెవరికైనా, ఆయనగారి గురించి తెలుసుకోవాలనుకుంటే, "శ్రీ మతి కోండా సురేఖా, మాజీ మంత్రి, తెలంగాణా ఆడబిడ్డ "గారిని అడగండి,అన్నీ వివరాలు తెలుస్తాయి

మద్యలో ఉన్న తాడుని ఊపడం తప్పా, వీరు చేస్తున్న ఉద్యమoఏమిటి ?

                                                                
                                                              
  వెనుకటి తెలుగు సినిమాలో చూసేవారం, హీరోలు విలన్లతో వారి గాంగ్ లతో చేసే ఫైట్లు. ఎంతో కామెడిగా అనిపించేవి ఆలొచించే వారికి. వంద మందిని నొంటి చేత్తో విసిరేసిన హీరో గారు వేసుకున్న డ్రెస్ నలిగేది కాదు, క్రాప్ చెదిరేది కాదు.బహూశా తమ అభిమాన హీరోని అలా చూసి తట్టుకునే శక్తి అభిమానులకు కానీ, అలా చూపించే దైర్యం ఆ నాటి కొంతమంది  దర్శకులకు ఉండేది కాదేమో!లేక పోతే హీరోల ఇమేజ్ తగ్గుతుందని బయమో కాని అలా సూపర్మేన్ ఫైట్ సీన్లు పెట్టేవారు. ఆ తర్వాత ట్రెండ్ మారి ఇప్పుడు బురదల్లో కూడా పొర్లి పొర్లి కొట్టుకుంటునారు అనుకోండి!

  మల్లీ ఇన్నాళ్ళకి అలనాటి తెలుగు సినిమా ఫైట్లను చూసే భాగ్యం సచివాలయ ఉద్యోగుల ఘర్షణల్లో  కనిపిస్తుంది. టి.వి.ఆన్ చేస్తే చాలు! "బ్రేకింగ్ న్యూస్"   "సచివాలయంలో  సిమాంద్రా, తెలంగాణా ఉద్యోగుల మద్య ఘర్షణ"! జల సౌదలో వుద్యోగుల మద్య ఉద్రిక్తత! తోపులాటా"! అనే హెడ్డింగులతో ఊదరగొడుతుంటాయి. తీరా చూస్తే అటొక గ్రూపు, ఇటొక గ్రూపు. పోలిస్ లను చూశాక ఒకరి మీదకు ఒకరు వెళుతున్నట్లు వీరావేశంతో కూడిన అరుపులు, నినాదాలు. వీరిని కట్టడి చేయడానికి అన్నట్లు పోలిస్ వారు వారి మద్య ఒక పెద్ద తాడు పట్టుకుని నిలబడ్డాకా, ఇక ఎట్టి పరిస్తితిలో తమ బట్టలు నలగడం కాని, క్రాప్లు చెదరడం కాని జరగవు అని డిసైడ్ అయ్యకా, గొంతున్న వారిని ముందు పెట్టి, తక్కిన వారు వెనుక చేరి ఒక గంటా,గంటన్నర ఎదుటివారి బట్టలు  టచ్ కాకూండా జాగర్తపడుతూ,  మద్యనున్న తాడును ఊపేస్తూ,నానా హంగామా చేస్తుంటే పాపం వీరెంత పోరాటం చేస్తారో ఫ్రీగా ఫైటింగ్ చూదాం అని టి.వి.ల ముందు కూర్చున్న ప్రేక్షకులకు, నోటి ఆరుపులు, మద్యలో ఉన్న తాడు ఊగడం తప్పా, ఏమి కనిపించక నిరాశ పడుతున్నారట!

 ఇంతకీ కొస మెరుపు ఏమిటంటే ఇలా రోజూ పోలిస్ వారి తాడు మాత్రమే ఊగడాన్ని చూసి బరించలేని వారు హైద్రాబాద్ కమీషనర్ గారికి పిర్యాదు చేస్తే, ఆయన గారు ఇరు వర్గాలను పిలిచి,"చూడండి వీరులారా! మీ ఊపుడికి మా తాడు తెగేటట్లుంది, కాబట్టి మీరు రేపట్నుంచి ఒకే చోట ఉద్రెకపడకండి. నల్ల పోచమ్మ గుడివద్ద ఒకరు, మరొక చోట మరొక వర్గంవారు పోరాటం చెయ్యండి, కాని ఒక కండీషన్ ఏమిటంటే ఎవరి తాడులు వారే తెచ్చుకుని ఊపుకోవాలి తప్పా, మా పోలిస్ వారి తాడు ఎట్టి పరిస్తితిలో ఉపయోగించడానికి వీల్లేదు" అనేసరికి అలాగే సార్ అని కాం గ బయటకు వచ్చారట! అమ్మయ్యా!రేపటనుండి వారి బట్టలు, జుట్టులే కావు, పోలిస్ వారి తాడు కూడా నలగకుండా ఉద్రేకంగా ఉద్యమాలు చేస్తారన్న మాట! పని ఎగ్గొడతానికి చేసే పనులు ఇలాగే ఉంటాయి కామోసు! 

ఇండియన్ మదర్ కన్నది అహ్మద్ సిద్దిబప్పానయితే, మదర్సా చదువు మార్చింది యాసిన్ భత్కల్ గా!

                                                                      


   యాసీన్ భత్కల్! ఒక నరరూఫ రాక్షసుడు. వీడికి కులం లేదు. మతం లేదు సరి కదా అసలు మానవత్వం అనేది మచ్చుకైన కానరావు వీడిలో . దేశంలో వివిద ప్రాంతాలలో జరిగిన   బాంబు  ప్రేళ్ళుల్లకు మాస్టర్ మైండ్ భత్కల్. అట్టి నర రూప రాక్షసుడు నిన్న ఇండియా నేపాల్ సరి హద్దుల్లో పోలిసులకు పట్టుబడటం జాతికి ఆనందం కలిగించే విషయం.

 యాసిన్ భత్కల్ అసలు పేరు అహ్మద్ సిద్దిబప్పా. ఇతడు ఉత్తర కర్ణాటక లోని భత్కల్ ప్రాంతానికి చెందిన వాడు. చిన్నప్పుడు' అంజుమన్ ఆమీన్ ఏ ముస్లీమీన్' అనే మదర్సాలో విద్యాబ్యాసం చేసాడు. ఆ తర్వాత దుబాయి వెళ్ళి తండ్రి నడుపుతున్న బట్టల కొట్లో పని చేసాడు. ఇతని లోని తివ్రవాద దోరణిల వల్ల తండ్రి తో సరిపడక అక్కడ నుండి ఇండియాకు వచ్చి ఇండియన్ ముజాహిద్దీన్ అనే సంస్తను స్తాపించి దేశం లోని వివిద ప్రాంతాలలో బాంబు పేళ్లుల్లు జరిపి ప్రజలను హత మార్చాడు. ఒక సారీ దొంగ నోట్ల కేసులో అరెస్ట్ అయినా పోలిసుల కళ్ళు కప్పి తప్పించుకున్నాడట!

ఇంటిల్జెన్స్ వర్గాల సమాచారం మేరకు  2008  నుండి ఇప్పటి వరకు యాసిన్ భత్కల్  బాంబు పేళ్లుల్లు జరిపిన ప్రాంతాలు.అహ్మదాబాద్    (2008), సూరత్  (2008), జైపూర్ (2008), న్యూ డిల్లీ (2008), వారణాసి (2010),బెంగళూర్  (2010), ఫునె (2011),ముంబై  (2011), హైదరాబాద్  (2013) బెంగళూర్  (2013).

  ఇప్పటికైన ఈ క్రూరుడిని పట్టుకోవడం సంతోషం. త్వరలో మిగతా ఉగ్రవాదులని కూడా పట్టుకుని ఉగ్రవాదుల  నుండి దేశాన్ని కాపాడతారని ఆశిద్దాం. 

తెలుగోడి రాష్ట్రంలో ఎవడి గోడు వాడిదే !

                                                     

                                                            
ఏమంటూ ప్రకటించారో కానీ, తెలంగాణా రాష్ట్ర ఏర్పాటు, ఆ రోజు నుంచి రాష్ట్రంలో  రాజకీయ నాయకులకు హడావుడి ఎక్కువైపోయి పాపం కంటి మీద కునుకు లేకుండా పోయినట్లుంది. మొన్నట్టిదాక రాయల సీమ నేతలు, ముస్లిం నేతలు "రాయల తెలంగాణా" ప్రతిపాదనతో, రాయలసీమ జిల్లలను తెలంగాణ లో కలిపి రాష్ట్ర ఏర్పాటు చెయ్యాలని ముందుకు వస్తే,ఇప్పుడు కొంతమంది నాయకులు ఉత్తరాంద్ర జిల్లాలతో కలిపిన తెలంగాణా కావాలని ప్రతి పాదిస్తున్నారు. దీనికి ముఖ్యంగ రేణుకా చౌదరి గారు, ప్రభుత్వ విప్ బట్టీ విక్రమార్క, కోండ్రు మురలి గారు ప్రతిపాదన చేసి ఉత్తరాంద్రా నాయకులను కల్పుకుని డిల్లీలో తమ ప్రతిపాదనను సోనియా గాంది గారికి వివరించలనుకున్నట్లు తెలుస్తుంది. రేణుకా చౌదరి గారికిమేడం గారితో ఉన్న సన్నిహితం ఆమెను ప్రబావపరచడనికి ఉపయోగ పడినా , ఈ ప్రతిపాదనకు నాయకులలో పెద్దగా స్పందన కనిపించడం లేదు .

 ఆసలు ఈ ప్రతి పాదన వెనుక ఉత్తరాంద్రాలోని కొన్ని మైనింగ్ ఆదారిత కంపెనీల యాజమాన్యాలు హస్తం ఉన్నట్లు కనపడుతుంది .ఖమ్మం జిల్లాలోని ఇనుపరాయి,ఇతర ఖనిజాలు విశాఖ పట్టణం, విజయనగరం లోని ప్లాంట్లకు సరపరా చేస్తుంటారు. అలాగే మన్యసీమలో ఎంతో విలువైన ఖనిజ సంపద ఉత్తరంద్రా జిల్లలోని కంపెనీలకు అవసరం. రేపు తెలంగాణా విడిపోతే ముడి ఖనిజం లబ్యత సమస్యలు ఏర్పడే అవకాశం ఉంది. ఇప్పటికే బయ్యారం ఇనుపరాయి విశాఖా స్టిల్ ప్లాంట్ కి కేటాయించడాన్ని తెలంగాణ వాదులు ఒప్పుకోవడం లేదు. ఇలాంటి సమస్యలు ఏర్పడకుండా  ముందు చూపుతో ప్రభుత్వ, ప్రైవేట్ రంగ కంపెనీలు రాజకీయ నా యకులతో ఈ ప్రతిపాదన చేయిస్తూ ఉండవచ్చు.

  ఇంకా సీమాంద్ర ప్రజలలో తెలంగాణా రాష్ట్ర ఏర్ప్పాటు ఎట్టి పరిస్తితిలో జరగదని నమ్మకం. అందుకే సమైక్యత మీదే వారి ద్రుష్టి నిలిపారు. ఒకవేళా ఆరు నూరైనా రాష్ట్రం విడిపోవడం ఖాయమని వారు కూడా అనుకుంటే అప్పుడు చూడాలి ఎన్ని ప్రతిపాదనలు వస్తాయో.  రాష్ట్రం లో రాజకీయాలు,ఎవడి గోల వాడిదే అన్న ట్లు ఉంటాయి.  

ఏమిటీ ! హైదరాబాద్లో మీకు రక్షణ లేదా ? ఇదిగో నా పోన్ నంబర్ తీసుకోండి .ఎనీటైం .... ఎనీవేర్ .... మీకు రక్షణ ఇవ్వడానికి నేను రెడీ !

                                                             

 తెలంగాణా ఏర్పడితే , నూతన రాష్ట్రం లో త్రెలంగానా నిరుద్యోగులకు   ఏటువంటి ఉద్యోగాలు వస్తాయో  తెలియదు కానీ రాజకీయ నాయకులకు మాత్రం సెక్యూరిటి గార్డులు , బాడి గార్డుల ఉద్యోగాలు మాత్రం బోల్డన్నీ వచ్చేటట్ట్లున్నాయి . ఇప్పుడు హైదరాబాద్లో కొంతమంది రియల్ ఎస్టేట్ వ్యాపారులు , లాండ్ మాఫియా  డాన్ లు తమ ఆసక్తులు ,ఆస్తులు రక్షణకు  బీహారీ  గాంగ్ లను నియమించుకున్నారంట . అలాగే రేపు తెలంగాణ ఏర్పడితే హైద్రాబాద్లో ఉన్న సీమాంద్రా సెటిలర్స్ తమకు రక్షణ ఎలా అని ఆందోళన పడుతున్న నేపద్యమ్ లో తెలంగాణా రాజకీయ నాయకులు పోటీలు పడీ మరీ మీడియా ప్రకటణ లు ఇచ్చేస్తున్నారు  మరి !

 తెలంగానా  రాష్ట్రం ఏర్పడితే సీమాంద్రుల సెటిలర్స  ఆస్తులు, వ్యక్తిగత రక్షణ,    సమస్యగా మారుతుందని సీమాంద్రులు బయపడడానికి   కారణం తెలంగానా ప్రాంత నాయకుల రెచ్చగొట్టే మాటలు..  దానికి సెటిలర్స్ రక్షణ గురించి, వారు అడుగుతుంది ప్రత్యేక  చట్ట రక్షణ, ప్రభుత్వ రక్షణ. అంతే కానీ తెలంగాణా రాజకీయ నాయకుల ఇచ్చే వ్యక్తిగత లేక సామూహిక హామీలు కావు. ఒక వేళా తెలంగాణ నాయకులు బాడీ గార్డులు గా రూపాంతరం చెంది, సెటిలర్స్ కి రక్షణ ఇస్తామన్నా, వారి సేవలు పొందడానికి ఏ సెటిలర్ సిద్దంగ లేడు. ఆసలు సెటిలర్లు బయపడేది తెలంగాణ రాజకీయ నాయకులకే తప్పా, తెలంగాణ లోని సామాన్య  ప్రజలకు కాదు. తెలంగాణా ప్రజలు, ఆంద్రా ప్రజల మద్య ఉన్నది సోదరబావమే తప్పా వేరే అనుమానలు ఏమి లేవు. వచ్చిన సమస్యల్లా రాజకీయ నాయకులతోనే.  N.T.R  వచ్చే దాక హైద్రాబాద్ లో మత ఘర్షణలు ఆపిన  వాడే లేడు . అసలు వాటిని పెంచి పోషించింది రాజకీయా నాయకులే అనేది జగమెరిగిన సత్యం.మరి అటువంటి నాయకులు "మా పోన్ నంబర్ తీసుకోండి. మీకెవరైన ఆపద కలిగిస్తే మాకు పోన్ చెయ్యండి. మీ ప్రాణాలకు మా ప్రాణాలు  అడ్డం" అని సినిమా డైలాగులు కొడుతూంటే తెలంగాణ వారికే అనుమానం వస్తుందట! ఇదేంట్రా బాబూ, వీరేదో తెలంగాణా  రాష్ట్రం తెచ్చి, మనకు ఉద్యోగాలు ఇప్పిస్తారు అనుకుంటే, సీమాంద్రులకు బాడీ గార్డులుగ పని చెయ్యడానికి ఒకరి మీద ఒకరు పోటీ పడి ఇలా ప్రకటణలు ఇస్తున్నారేమిటా? అని.

 కానీ సదరు రాజకీయ నాయకుల ఇంట్లోని ఆడవాళ్ళు మాత్రం తమ మగవారి మాటలను మాత్రం అస్సలు పట్టించుకోవటం లేదట! ఆ.. ఈళ్ళ బొంద! మా మెళ్ళల్లో గొలుసులని పట్టపగలే దోచుకు వెళుతున్న  వారి నుండి ఇంటి వస్తువులు కాపాడ లేరు కానీ, ఇక సేటిలర్స్ ఆస్తులును కాపాడతారా? అని. కానీ పాపం ఇదేమి తెలియని సదరు నాయకులు మత్రం బాడిగార్డ్ గిరి  చెయ్యడానికి యమ హూషార్  అవుతునారంట !     

వ్యక్తుల్ని బౌతిక వాద పద్దత్తుల్లోనే కాదు , బావోద్వేగ పద్దత్తుల్లో కూడా చంపవచ్చు, జన విజ్ఞానుల వారూ

                                                                  

ప్రముఖ హేతువాది శ్రీ నరేంద్ర దబోల్కర్

  మొన్న నేను ఫేస్ బుక్ లో ఒక మిత్రుడు పెట్టిన టపా చూసాను . ఆయనగారి వ్యాఖ్యానం నాకు కొంచం ఆశ్చర్యాన్ని తెప్పించింది . పూర్తీ వ్యాఖ్యానం ఇది

 "ఇది భౌతిక వాద శక్తులు సాధించిన విజయం. మతోన్మాదులార భౌతిక వాదులను చంపాలంటే భౌతిక పద్దతుల్లోనే హత్య చేయాలి తప్ప ఏ భావ వాద పద్దతుల్లో చంపడం సాధ్యం కాదు అని నిరుపించిన గొప్ప వ్యక్తి నరేంద్ర ధబోల్కర్. బాణామతి, చేతబడులతో కాని, మంత్రాలు, మాయలతో కాని మమ్మల్ని చంపలేరనేది నిజం అనే బౌతిక సత్యాని నిరుపించినది ధబోల్కర్ గారి మరణం.

ఇప్పుడే నరేంద్ర ధబోల్కర్ గారి సంస్మరణ సభలో మాట్లాడి వస్తున్న. నిజంగ 8సం. క్రిత ం ఫొన్ లో పరిచయమై అప్పుడప్పుడు ఆప్యాంగా మట్లాడి సలహాలు ఇచ్చే వ్యక్తి, నేను అభిమానించే వ్యక్తి చని పోవడం ఆ సభలో మాట్లాడాల్సి రావడం చాలా కష్ట సాధ్యమైన పనే. ప్రస్తుత ఐ.జి. ఆనాటి నల్గొండ ఎస్.పి. మహేష్ భగవత్ గారు నాకు నరేంద్ర గారిని పరిచయం చేశారు. అంధ శ్రద్ద ఈర్మూలన సమితి మూఢ నమ్మకాలకు వ్యతిరెకంగ, మోసాలు చేసే స్వాములు, బాబాలను అరెస్ట్ చేసె చట్టం ఒకటి చేయాలని పోరాడుతున్న ఆ మహానుభవుడి నుండి ఆ చట్టం కాపిని తెప్పించుకుని దానిని ఇక్కడ కూడా అమలు చేయాలని కోరాలని అనుకోవడం జరిగింది. అప్పటి నుండి అప్పుడప్పుడు నరేంద్ర గారితో మాట్లాడుతునే ఉన్నాను. మతోన్మాద శక్తులు ఎంతకైన తెగిస్తాయని చెప్పడానికి ఇది నిదర్శనం.    "J.V.V. Ramesh". 

 కొంతమంది దుండుగలు ప్రముఖ హేతువాది దబోల్కర్ గారిని హత్య చేసారు . ఇది  పిరికి పందల  చర్య . ఇటువంటి దుర్మార్గపు చర్యలను బౌతిక వాదులే కాదు బావ వాదులు కూడా  ఖండించారు, ఖండించాలి కూడా  . కానీ అయన హత్య చేయబడటం బౌతికవాదుల విజయం అంటే కొంచం ఆశ్చర్యంతో కూడిన అనుమానం వస్తుంది . కొంపదీసి తమ వాదాన్ని గెలిపించుకోవటం కోసం బౌతిక వాదులే ఆయన్ని హత్య చేయించారా అని ! లేకపోతే హత్యలో కూడా  బౌతికవాద  గెలుపు చూడటం ఏమిటీ ? 
  ఒక వేళా జన విజ్ఞాన వేదిక వాదన ప్రకారం హత్యలన్నీ బౌతిక వాదుల విజయాలు అయితే ఆత్మ హత్యలన్నీ బావవాదుల విజయాలు అవుతాయి . ఎందుకంటే  బావోద్వేగాలే ప్రదాన పాత్ర వహిస్తాయి కాబట్టి . మొన్నట్టివరకు జరిగిన తెలంగాణా ఉద్యమంలో వేయిమందికి  పైగా ఆత్మ హత్యలు చేసుకున్నారు . ఇప్పుడు సమైక్యతా ఉద్యమంలో నాలుగువందల మంది ఆత్మహత్యలు చేసుకున్నారట ! మరి ఇవ్వన్నీ బావవాదుల విజయమని వారు చంకలు ఎగురవేస్తే ఎలా ఉంటుంది ? కాబట్టి మిత్రులు హత్యను హత్యగానే చూడాలి తప్పా , అందులో గెలుపు ఉందని బావించడం శవయాత్రలో చిల్లర పైసలు ఏరుకునే నైజం లాంటిది . 

  దేశమంటే మట్టి కాదోయి మనుషులోయి అన్నట్లు , మనిషి అంటే  శరీరం మాత్రమే కాదూ ., బావోద్వేగాల సమ్మేళనం కూడా   అని తెలిసికుంటే మంచిది . .మెదడులో ఎడమ బాగం తప్పా , కుడిబాగం పనిచెయ్యని వారికి ఎంత చెప్పినా బుర్రకెక్కదు కాబట్టి వారిని చూసి జాలిపడటం తప్పా మనం చేయగలిగింది ఏముండదు ..

  .

 
 

ఈ రోజు ఆహార భద్రతా బిల్లు పాసయింది కాబట్టి, రేపటినుండి తెలంగాణా వాదుల దౌర్జన్యం అణచి వేస్తారంట !

                                                                     

 ఆహార బద్రతా బిల్లుకి తెలంగాణా వాదుల దౌర్జన్యాల అణచివేతకి సంబందం ఏమిటని ఆశ్చ్యర్యపోతున్నార! ఏమో మరి, ఇందాకా టి.వి.లో ఉండవల్లి గారి మీడియా ప్రకటణ చూసి నాకు డౌట్ వచ్చింది.

   ఈ సాయంత్రం సీమాంద్రా నాయకులు ఆంటోనీ కమిటిని కలిసారు. కలిసి హైద్రాబాద్ లో సీమాంద్ర ఉద్యోగుల మీద, లాయర్ల మీద తెలంగాణా వారు రౌడీలు  లాగ దౌర్జన్యం చేస్తునారని, తెలంగాణ కావాలనే హక్కు వారి కెంత ఉందో, సమైఖ్యంద్రా ఉండాలనే హక్కు, తమకూ అంతే ఉందని, కాని దానీ కోసం శాంతియుతంగా నిరసనలు చేస్తున్న సీమాంద్రా ఉద్యోగులు మీద తెలంగాణ వారు దాడి చేస్తున్నా,  ప్రబుత్వం తగిన చర్యలు తీసుకోవటం లేదని, దీని వలన సీమాంద్రులలో అబద్రత బావం పెరిగి చివరకు లా అండ్ ప్రాబ్లం ఎక్కువయ్యే అవకాశం ఉందని మొర పెట్టుకున్నారట. దీనికి సానుకూలంగా స్పందించిన ఆంటోని గారు, దిగ్విజయ్ సింగ్ గారి చేత ముఖ్య మంత్రి గారికి ఇతర అధికారులకు పోన్ చేసి తగిన చర్యలు తీసుకోమని చెప్పారట! ఈ విషయాన్ని ఉండవల్లి గారు మీడియా ముందూ వెళ్ళడిస్తూ రేపటినుండి చూడండి ఎలా ఉంటుందో అని నర్మగర్భంగ అంటుంటే నాకు ఒక  సందేహం వచ్చింది.

  నిజంగా సీమాంద్రా నాయకులకు తెలంగాణా వారి చేష్టల మీద అబ్యంతరం ఉంటే, అప్పుడే ఆంటోణి కమిటీకి ఈ విషయం చెప్పి వారికి తగిన రక్షణ ఏర్పాటు చేయ్యమని అడిగి ఉండవచ్చు కదా! ఇప్పట్టి దాక ఇరువర్గా ల మద్య తోపులాటలు అదీ ఫ్రేండ్లీ గేమ్ లాగా జరిగిందే తప్పా, ఒకరికీ  దెబ్బలు తగిలిన దాఖలాలు  లేవు కదా! ఇదంతా , చూసే వారికి పనులు ఎగ్గొడతానికి ఇరువైపుల ఆడే డ్రామాలాగ అనిపిస్తుంది తప్పా, పెద్ద సీరియస్ నెస్ ఏమి కనిపించలేదు వారి తోపులాటలో! మరి ఇంతలో ఈ సిరియస్ అలేగేషన్ ఎందుకబ్బా !ఒహో అంటే ఈ రోజు ఆహార భద్రతా బిల్లు ఒడ్డెక్కింది కాబట్టి, ఇక నుండి హైద్రాబద్ ని కేంద్ర పాలిత ప్రాంతం గా చెయ్యడానికి అవసరమైన అన్ని చర్యలు మొదలు పెట్టాలని సీమాంద్రా నాయకులు నిర్ణయించి ఉంటారు. దానికి కావల్సిన రిహార్సల్ కి రంగం సిద్దం చేసుకుంటునారు అన్న మాట. కానియ్యండి, కానియ్యండి. ఇంకా తెలుగు ప్రజలు  ఎన్ని డ్రామాలు చూడాల్సి ఉందో! రాజకీయ నాయకులు ఎన్ని నాటకాలు ఆడాలనుకున్నా,చివరకు పైనున్న వాడు ఏది నిర్ణయిస్తాడో అదే జరుగుద్ది అని తెలుగు ప్రజలు చూస్తున్నారు. పాపం!    

"సందట్లో సడే మియా" ప్రతి పాదన ఎందుకోసం?

                                                                     


   ఒక వ్యక్తి కాని, కుటుంబం కాని బలంగా ఉన్నంత కాలం ఎవడూ మాట్లాడడానికి కాని, వారితో విబేదించడానికి కాని సాహాసం చేయరు.కాని అదే వ్యక్తి కాని, కుటుంబంకాని ఏ కారణాలచేతనైన బలహీనమ పడుతున్నపుడు ప్రతి ఒక్కరూ దాని నుండి ఫాయిదా పొందాలని చూస్తారు. ఇదే పద్దతి ప్రస్తుతం తెలంగాణా రాష్ట్ర ఏర్పాటు విషయంలో జరుగుతుంది.

   ఇప్పటి దాక రెండే వాదాలు ప్రత్యేక రాష్ట్ర ఏర్పాటు విషయంలో వినిపిస్తుండేవి. ఒకటి ప్రత్యేక తెలంగాణా, రెండు సమైఖ్యతాంద్రప్రదేశ్. తెలంగాణా కోసం మొన్నట్టిదాక తెలంగాణా ప్రజలు పెద్దఎత్తున ఉద్యమిస్తే, రాష్ట్ర ఏర్పాటుకు అధికార పార్టీ అంగికరించగానే ,జై సమైక్యాంద్రా అంటూ సీమాంద్ర ప్రజలు ఉద్యమిస్తున్నారు. ఈ ఉద్యమం నడుస్తున్న తీరు చూస్తే, సీమాంద్ర ప్రజలలో బావోద్వేగాలతో కూడిన మమకారం మన రాజదాని నగరం మీద చాలా ఎక్కువుగానే ఉందనిపిస్తుంది. కానీ సోనీయా గాంది గారు విబజన తప్పదు అని కరాఖండిగా చెపుతుంటే సీమాంద్ర కాంగ్రెస్ నాయకులకు ఎటూ పాలుపోక కొంతమంది  నష్ట నివారణ కోసం ఆలోచించడం మొదలు పెట్టారు. దానిలో బాగమే "హైద్రాబాద్" ని కేంద్ర పాలిత ప్రాంతం చెయ్యడం. ఈ గొడవలు ఇలా ఉంటే ఇంకొక ప్రతిపాదన తెచ్చాడు "సందట్లో సడేమియా".

    సందట్లో సడే మియా అని ఎవరిని అంటారో తెలుసా? ఎవరి గొడవలో వారు టెన్షన్ పడుతుంటే  గప్ చుప్ గా  తన పని కానిచ్చుకునే వాడిని అంటారు. ఇదిగో అలాంటి సడే మియా ఒకరు తయ్యారయ్యారు. ఆయనకి అధిష్టాన దేవత దగ్గర పలుకు బడి ఎక్కువట. అధిష్టాన దేవతకు బి.జె.పి. అంటే ఎలాగు పడదు.  అందుకని నూతనంగా ఏర్పడబోయే తెలంగాణా రాష్ట్రం లో బి.జె.పి. బలపడకుండ, మరియు ముస్లిం ల సీట్లు గణనీయంగా పెంచుకునేందుకు, "రాయల తెలంగాణా" ప్రతి పాదన మొదలుపెట్టి అమ్మ కు విన్నవించాడు.దీనికి కొంతమంది సీమ నాయకుల మద్దతు ఉందని చెపుతున్నారు. ఈ విదంగా  అటు  సీమాంద్రలోను విభజన తేవడానికి ఈ "సడే మియా" ప్రయత్నిస్తున్నాడు. రాయసీమ ప్రాంతం లో ముస్లిం ల ఓట్లు గణనీయంగా ఉన్నాయి. మొన్న శుక్రవారం సమైఖ్యతాంద్ర ప్రదేశ్ కోసం సీమ ముస్లిమ్లు ప్రత్యేకంగా ముస్లిం J.A.C   పేరుతో ఆందోళన చేస్తే లక్షలాది మంది రోడ్ల మీదకు వచ్చారు. అందుకే సీమ ముస్లిం లు, తెలంగాణా ముస్లింలు కలిస్తే తెలంగాణాను  మరొక సారి నవాబుల రాజ్యం చేయవచ్చని వారి ఆశ కాబోలు. మైనార్టిలుగా ఉండబట్టి వారిలోని కాంక్ష బయటపడటం లేదు కానీ, లేకుంటే హైద్రాబాద్ నిజాం లది కాబట్టి దానిని ఏలే హక్కు మాదే అనే కొంత మంది  చెంగీఝ్ ఖాన్ లు బయటపడే వారే.

  ఒక వేళ సడేమియా గారు ఆశించినట్లు రాయల తెలంగాణ వస్తే ఖచ్చితంగ అది మత పరమైన  రాష్ట్ర విభజన  అని చెప్పక తప్పదు. అధికారం కోసం ఎంతటి నీచానికైన తెగించే చరిత్ర అధికార రాజకియ పక్షాలది.ఎవరు ఎమన్నా  రామారావు గారు అధికారానికి రాక ముందు ఉన్న హైద్రాబాద్ ని ఒక్క సారి ఊహించుకుంటే కనపడేవన్నీ మత కలహలే. దానిని రూపుమాపి నగరాన్ని ఒక హై.టెక్ నగరంగా అంతర్జాతీయ స్తాయికి తీసుకు వెల్లిన ఘనత  తెలుగు దేశం  పార్టీదే అని ఒప్పుకోక తప్పదు. కాలం ఎప్పుడూ ఒకే రీతిలో ఉండదు.రాజకీయ కారణాల వల్ల విబజన అనివార్యం కావచ్చు. కాని దాని కోసం మత పరంగా బలపడాలనే ఉద్దేశ్యం  తో "సందట్లో సడే మియ"లు చేసే ప్రతిపాదనలు కార్య రూపం దాలిస్తే నాడు హైద్రాబాద్ లో ఉన్న మతకల్లోలాలు యవత్ తెలంగాణా రాష్ట్రం  అంతా ఉంటాయి అని గ్రహిస్తే మంచిది.