Friday, April 29, 2016

ఆడవాళ్ళ పై అత్యాచారాలు ఆగాలంటే "న్యూట్రల్ బాంబ్ " కనిపెట్టాల్సిందే!.

                                                       
మన దేశం  లో ఈ   మద్య ఎక్కడా చూసినా ఆడవాళ్ళ మీద మ్రుగాళ్ళు చేస్తున్న లైంగిక దాడులే ఎక్కువుగా కనిపిస్తున్న్నాయి. పదేండ్ల పిల్లవాడి దగ్గర్నుంచి పండు ముదుసలి వరకు, ఏమి చదువుకోని పామరుడు నుంచి అన్నింటిని ఔపోసన పట్టిన పండితుడు వరకు అన్ని వర్గాల మగవారిలోను అంతో ఇంతో మ్రుగతనం కనపడుతూనే ఉంది. దానికి కారణం అనాదిగా మగవాడి జీన్ లో తిష్ట వేసిన "మగబుద్ది" అంటే, నా ప్రెండ్ "విజ్ఞాన  శాస్త్రి " అస్సలు ఒప్పుకోవటం లేదు. నిన్ననే ఒక పేపర్లో ఒక ప్రముఖ స్త్రీవాదిని  గారు చెప్పిన ప్రసంగ సారాంశం చదివాను. ఆవిడ గారు కూడా  నేను చెప్పిన "మగబుద్ది" థియరీ ఒప్పుకున్నట్లే  అనిపించింది. కాకపొతే ఆవిడ వేరే పదజాలం ఉపయోగించింది. ఆవిడ గారి ప్రకారం "ప్యూడల్ బావజాలం లో నుంచి పురుషుడు బయట పడనందు వలన స్త్రీని తనతో సమానం గా చూడటం లేదు కాబట్టే ఆమె మీద అత్యాచారాలు కొనసాగిస్తున్నాడు అని. నేను చెప్పింది అదే కదా ! ఒకవేళ  పురుషునిలో ఉన్న 'మగబుద్ది" ప్యూడల్ సంస్క్రుతి లో నుండి వచ్చిందే అనుకుంటే , నేను చెప్పింది కూడా కరెక్టే కదా! నేను పుట్టుకతో వచ్చిన బుద్ది  అంటే , వాళ్ళు ప్యూడల్ తో వచ్చిన బుద్ది  అని అంటునారు అంతే తేడా!.

    మరి నాకు ఉన్న అనుమానం ఏమిటంటే ప్రస్తుతం ప్రపంచ వ్యాప్తంగా ప్యూడలిజం పోయి , కాపిటలిజం వచ్చింది కదా, మరి ఇంకా మగాడు ఎందుకు మారలేదబ్బా? అలాగే మగాడు మారక ముందే, స్త్రీ కాపిటలిజం లోకి మారి పోయి తనకు బరువు అయినవి అన్నీ వదిలేసి స్వేచ్చగా తిరుగుతుంటే , అది చూసి తట్టుకోలేని ప్యూడల్ మగాడు ఆమె మీద లైంగిక దాడులకు తెగబడుతున్నాడు అని అనుకోవాలా? అలా అయితే ఇది ఖచ్చితంగా స్త్రీల తప్పే! ఎందుకంటే పురుషులను ప్యూడల్ లోనే ఉంచి వారు కాపిటల్ ఇజం లోకి పోవడం అన్యాయం కాదూ . ... సరే ఇదంతా పక్కన పెడితే , అసలు స్త్రీల మీద అత్యాచారాలు .  జరుగగకుండా ఉండాలి ;అంటే , ఏమి చెయ్యాలి? ఏమి చేయాలి? అని ఆలోచిస్తూ రాత్రి నిద్ర పోయాను. నాకొక కల వచ్చింది. ఆ కలలో......

  నేను  ఒక బ్రహ్మాండమైన సభ జరిగే చోటుకు వెళ్ళాను . అక్కడ వేదిక మీద అందరూ అబ్యుదయ వాదులే ఉన్నారు . వారంతా ఏవేవో చెపుతున్నారు. నాకేవి గుర్తుకు లేవు. కాని ఒక  లేడీ  సైంటిస్ట్ గారు చెప్పిన ఉపన్యాసం మాత్రం బాగా ఆకట్టుకుంది. అందుకే బాగా గుర్తుండి పోయింది. ఆ లేడీ సైంటిస్ట్ గారు  ఏమన్నారంటే
                  " మై  డియర్ బ్రదర్స్ &సిస్టర్స్, ఈ  ప్రక్రుతి  ఎంతో పక్షపాత మైనది. అందుకే ప్రక్రుతి పరంగానే పురుషులకు స్త్రీల మీద అత్యాచారం చేసే అవకాశం కల్పించింది. కానీ స్త్రీకి  ఆ అవకాశం ఇవ్వకుండా అంగ నిర్మాణం లోనే అన్యాయం చేసింది. కాబట్టి అన్నింటిలో చివరకు అవినీతి , దోపిడీ , దొంగతన్నాల్లో కూడా పురుషునితో పాటు సమానంగా ఉన్న మనం, అత్యాచార విషయం లో ఏమి చెయ్య లేక పోతున్నం. మరి దీని కై మనం ఏమి చేసి సమానత్వం సాదించగలం.? ఈ  మద్య ఒక సర్వే చేసారు. పట్టణ  ప్రాంతాలలో  పురుషులు 40 యేండ్లకే  మందుల మీద ఆదారపడే స్తితికి రావడం వలన స్త్రీలు ఆదిపత్యం చెలయించగలుగుతున్నారట. అంటే అసలు అత్యాచారం కి కారణమవుతున్న "మగబుద్ది"ని  లేకుండ చేస్తే వారు న్యూట్రల్ గా మారి మనతో పాటు సమానం అవుతారు. కాబట్టి "న్యూట్రల్ బాంబ్" అనే దానిని కనిపెట్టి దానిని ప్రపంచం మీద ప్రయోగిస్తే "మగబుద్ది" పోయి  మగాళ్ళంతా బుద్ది  మంతులు లాగా మనతో సమ జీవనం చేస్తారు. ఒక వేళ పునరుత్పత్తి ఎలా అంటే , దాని కోసం "టెస్ట్ ట్యూబ్ , ఇతర విదానాలు అభివృద్ధి చేసుకుని మానవ జాతిని, మరీ మాటాడితే మన స్త్రీ జాతినే  అభివృద్ధి చేయవచ్చు. అలాగే లైంగిక అవసరాలు ఎలా అని మీరు అడగవచ్చు. అసలు రాను రాను , వాటి కోసం పురుషులు మీద స్త్రీలు , స్త్రీల మీద పురుషులు ఆదారపడవలసిన అవసరమే ఉండదు. అన్నీ "స్వలింగ సంపర్కాలే"! దాని కోసం ఒక పక్క  లెస్బియన్, గే
 మేదావులు క్రుషి చేస్తూనే ఉన్నారు. కాబట్టి ప్రక్రుతి మీద మనం మొదలు పెట్టిన ఈ యుద్దం "న్యూట్రల్ బాంబ్ " ప్రయోగం తో  సమానత్వం సాదించేదాక కొనసాగించాల్సిందే! " అని ఇంకా ఏదో చెపుతూ ఉంటే ఇంతలో "డాం " అనే శబ్దం విని "న్యూట్రల్ బాంబ్ " పడిందా అని అదిరి పడి లేచాను. "వంట ఇంట్లో పిల్లి ఏదో పడెసినట్లుంది" అనుకుంటూ నా శ్రీమతి లేచి వంటింట్లోకి వెళ్ళడం చూసి , అమ్మయ్య  , అంతే కదా అని మంచి నీళ్ళు తాగి మళ్లీ  పడుకున్నాను.

  మొత్తానికి పగటి కలలు పనికి చేటు , రాత్రి కలలు  నిద్రకు చేటు అని పెద్దలు చెప్పిన మాట నిజమేననిపించింది.

Thursday, December 11, 2014

"విగ్రహారాదన"లో కొంత సైన్స్ ఉంది ! దానిని వ్యతిరేకించే వారిలో ఏముంది....?

                                                                           


ఈ  మద్య నేను ఒక మిత్రుని బ్లాగులో విగ్రహారాదనను హిందూ మహా పండితులు వ్యతిరేకించారు కాబట్టి దానిని పాటించక పోవడమే మంచిది అన్న ఉచిత సలహా చూసే సరికి , నాకు నవ్వు ఆగలేదు . అసలు హిందూ అంటె అర్దం తెలియని వారు , తాము అనుసరించే మతవిదానాలు మాత్రమె మహా గొప్పవని విశ్వసించే వారు రాసిన బ్లాగ్ రాతలు అవి. హిందూ ఆరాధనా పద్దతులు లో రెండు రకాలు ఉన్నవి . ఆకార, నిరాకార పద్దతుల్లో ఆ భగవంతుణ్ణి ఆరాదించవచ్చని మన పెద్దలు చెప్పారు. వ్యక్తుల యొక్క మనస్సును  నిగ్రహించే  స్తాయి ని పట్టి అతనికి లేక ఆమెకు ఆకార లేక నిరాకార ఆరాధనా పద్దతిని ఎంచుకోవడం జరుగుతుంది .
 
        ప్రతి మతంలో కొన్ని శాఖలు ఉన్నాయి . వారికి వేరెవేరు ఆరాధనా పద్దతులూ ఉన్నయి. ఎవరి పద్దతిలో వారు పూజలు చేసుకుంటే ఎవ్వరికీ అభ్యంతరం లేదు. కాని నీది తక్కువ  నాది ఎక్కువ  అన్నప్పుడే , ఆ ఎక్కువ తన్నాన్ని పరీక్షించడానికి మొత్తం కెలక వలసి వస్తుంది. ఇది దేవుదు ఒక్కడే అని నమ్మే వారికి సరి అయిన పద్దతి కాదు. అసలు విగ్రహారాదన పద్దతి ఎవరికీ  అవసరం , నిరాకార ఆరాధన పద్దతి ఎవరికీ అవసరం అనేది చూదాం .

  మనకు  " హిప్నాటిజం " అనే దానిలో సాధకుడు అవలంభించే విదానాలు ఎలాగుంటాయి చూడండి . బాగా ప్రాక్టిస్ ఉన్నవారు " సెల్ప్ సజె షన్ " ల ద్వారా సబ్కాన్షియస్ స్తితికి వెళ్లి , ఆ స్తితిలో మైండ్ కి పాజిటివ్ సజెషన్ ల ద్వారా తమలోని నెగటివ్ బావాలను మాయమయ్యేలా చేస్తారు . తద్వారా వారు నిజ జీవితంలో విజయాలను సాదిస్తారు  అని అంటారు. అలాగే కొత్తగా ప్రాక్టిస్ చేసే సాధకుల ఎదుట , హిప్నాటిశ్ట్ ఒక లైట్ నో , లేక ఏదైనా ఒక ఆబ్జెక్ట్ ఉంచి దానినే తదేకంగా చూస్తూ ఉండమని చెప్పి, వారికి సజెషన్ లు ఇస్తూ సబ్ కాన్షియస్ స్తితిలోకి తీసుకువెలటాడు . ఆ తర్వాత పాజిటివ్ సజెషన్ లతో మైండ్ లోని నెగటివ్ నెస్ ని లేకుండా చేస్తారు. బాగా ప్రాక్టీస్ ఉన్న వారికి ఏ అబ్బ్జెక్టు ఉండవలసిన అవసరంలేదు.

   హిందూ ఆరాధనా పద్దతిలో విగ్రహారాదన కూడా మానసిక స్తిరత్వానికి ఉద్దేసించిందే . విగ్రహం ని ఒక ఆబ్జెక్టు గా చేసి, సంకల్పం ద్వారా భగవంతుని అరాదనకు మనసును సిద్ధంచేసి, తదేక ద్యానంతో భక్తులు తమ మనసును ఆ భగవంతుని మీద లగ్నం చేసి ఆరాదిస్తారు. దానికి ఆచార్యులు  ఆరోహ , అవరోహణ క్రమంలో పాటించే మంత్రోచ్చారణ , భక్తులను త్వరగా సబ్కాన్షియస్ స్తితిలోకి తీసుకు వెలుతుంది. ఆ స్తితిలో వారి మనసు కోరుకునేదే నిజ జీవితంలో సిద్దిస్తుంది. ఒక వేళ విగ్రహం , మంత్రోచ్చారణ లేకుండా మనసుని సబ్కాన్షియస్ స్తితికి తీసుకువెళ్ళే సమర్దత  ఉన్న వారికి విగ్రహం అవసరం లేదు. అటో సజెషన్ చాలు. అంటె ఒక రకంగా ఈ నాడు హిప్నాటిజం లో మనసు ని నియంత్రించుకుని , పాజిటివ్ సజెషన్ ల ద్వారా మైండ్ ని శక్తివంతం చేసుకుని నిగ్రహ పరులుగా మారడానికి ఏ పద్దతులు అవలంబిస్తున్నారో , అవే పద్దతులు విగ్రహ ఆరాధన పద్దతిలో , వేల సంవత్సరాల క్రితమే మన పూర్వికులు ప్రవేశ పెట్టారు. అసలు హిప్నాటిజం సైన్సు కాదు అనే వారు ఉన్నారు. వారికి పెద్ద నమస్కారం పెట్టి వదిలెయ్యడం మంచిది.

   యితే ఇక్కడ గుర్తుంచుకోవలసిన అంశం ఏమిటంటె,సోషలిజం కి, కమ్యునిజం కి తేడా తెలియని బోల్డంత మంది , కమ్మ్యునిస్ట్ పార్టిలో  ఉన్నట్లు, నిరాకారా పద్దతిలో ద్యానం  చేసి మనసుని స్వాదీనంలోకి తెచ్చుకోవటం ఎలాగో తెలియని వారు , నిరాకార ఆరాధనా పద్దతి గురించి తెగ లెక్చర్ లు ఇస్తున్నారు . అదే అసలు బాద. మనసుని స్వాదీనంలోకి తెచ్చుకోవడమనేది చాలా కష్ట తరమైన ప్రక్రియ. అది సామాన్యునికి సాద్యం కాదు. రోజుకు 3 సార్లు వంగుని లెగిస్తేనొ, 30 సార్లు బోర్లా పడుకుంటేనో అది సాధ్య పడుతుందని నేను అనుకోవడం లేదు. అందుకే సామాన్యులైన మానవులు " విగ్రహారాదన " పద్దతిలో అయినా ఆ దేవున్ని పూజిస్తే కొంతలో కొంత మానసిక  తృప్తి పొందవచ్చు . అందుకే జ్ఞానులకు నిరాకార మార్గం, సామాన్యులకు ఆకార మార్గం. అన్నీ తెలిసిన వారికి ఆకారం అయినా నిరాకారం అయినా ఒకటే . తెలిసి , తెలియని వారికి ఏ "కారం " అయితే బెస్టో  వాళ్ళ దేవుడే చెప్పాలి.

      చివరగా ఒక మాట. సైన్స్ ప్రకారం ఈ సృష్టి అంతా ఎలక్టాన్ , ప్రోట్రాన్ , న్యూట్రాన్ లే ఉన్నప్పుడు ,కనిపించే  విగ్రహం లో నైనా , కనిపించని నిగ్రహం లోనైనా ఉన్నవి అవే కదా? మరి ఏ పద్దతిలో పూజిస్తేనేమ్ . అంతా ఎలెక్ట్రాన్ ,ప్రోటాన్ , న్యూట్రాన్ ల మాయే తప్పా , అనుకోవడానికి ఏముంది ? !!!!

Saturday, November 8, 2014

మనవు: e ఫ్యామిలీ కౌన్సెలింగ్

మనవు: e ఫ్యామిలీ కౌన్సెలింగ్:                                                                                                                                         ...

Friday, May 9, 2014

" సేవ్ సిస్టర్స్ " వారు జాలి పడాల్సింది "కరుణామయులు " గురించి , రౌద్ర రూపినులైన హిందూ దేవతల గురించి కాదు!

                                                                                    

భారత దేశం లో ఉన్న హిందువులకు చీము నెత్తురు తక్కువ అయినందు వల్లా , చేతకాని వెదవలు సైతం హిందూ దేవుళ్ళను , దేవతా మూర్తులను తీవ్రంగా అవమానిస్తున్నారు . స్టానిక ఆహార అలవాట్లు అయిన ఉప్పూ , కారం  మానివేసి  పిజ్జా లు లాంటి పదార్దాలు తినటం అలవాటు చేసుకున్నందు వలన కాబోలు మన జాతిలో ఎవరేమి చేసినా పట్టించుకోని తత్త్వం ఎకువై పోయింది . సహజంగా శాంత స్వబావులైనా ,అవసరమైన  వేళలో ఉగ్ర నరసింహాలుగా , రుద్ర దుర్గా మూర్తులుగా ఉండాల్సిన జాతి దిక్కుమాలిన కరుణామయ తత్వాన్ని అలవార్చుకున్నారా అన్నట్లు ప్రవర్తిమ్చండం అత్యంత హేయం .
     విదేశి పండ్స్ తో పురుడు పోసుకున్న సంస్తలు కొన్ని కావాలని పనికట్టుకుని , భారతీయ స్త్రీలను రక్షిస్తున్నాం అని పోజులు కొడుతూ , అ వంకతో హిందూ దేవత లను ఘోరంగా అవమానిస్తుంటే  హిందువులు  మిన్నకుండడం ఈ  దేశ బవిశ్యత్ కి మంచిది కాదు ? "సేవ్ సిస్టర్స్ " అనే సంస్త ముంబాయి ఆడ్ ఏజెన్సి వారితో ఒక యాడ్ ని తయారు చేసి ప్రచారం లో పెట్టింది . దాని ఉద్దేశ్యం "గృహ హింస " కు బలి అవుతున్న స్త్రీల గురించి   ప్రచారం చేయడమట ! దాని కోసం హిందూ త్రి మూర్తినులైన లక్ష్మి ,సరస్వతి , పార్వతి మాతలను గృహ హింస కు గురై నట్లు వారి ముఖాల మిద గాయాల గుర్తులు పెట్టి  ప్రచారం చేయడం వెనుకాల ఎ శక్తులు ఉన్నాయో తెలుసుకోలేని వారు కాదు హిందువులు . హిందూ దేవతలు ఏమైనా చేతకాని కరుణామయ తత్వాన్ని ప్రబోదిమ్చిన వారా హింసలు పాలు కావడానికి?    పేరొందిన పురుష రాక్షసులనే తమ కత్తులకు బలి ఇచ్చిన రౌద్ర రూపినులు . వారినా చేత కాని "సేవ్ సిస్టర్స్ " అవహేళన చేసేది ? ఇటువంటి యాడ్ ల ద్వారా  హిందువుల మనోబావాలు గాయపరచాలని చూస్తె , రాక్షసులకు పట్టించిన గతినే హిందూ మాతలు మీకు పట్టిస్తారని గుర్తుంచుకోవడం మంచిది .

    పరమ నీచమైన సదరు యాడ్ ని క్రింది విడియోలో చూడగలరు . ఒక హిందువుగా, ఇట్టి ప్రచారాన్ని తీవ్రంగా ఖండిస్తున్నాను .
                       
                  

Sunday, May 4, 2014

"బట్ట తక్కువ వ్యాధి" తో బాద పడుతున్న బాలిఉడ్ నటి !



ఆమె గారి పేరు పూనం పాండే . బాలిఉడ్ చలన చిత్ర సీమలో  సంచలన నటిమణ . ఆమె నటిమణి కాక ముందు మోడల్ అట . మోడల్ గా తన అంగాంగ బంగిమలతో వివిధ ఆడ్స్ లో పోజులిచ్చి వీక్షకులను వేర్రేత్తించిన హాట్ గర్ల్ !2013 లో నషా అనే హిందీ సినిమాలో విద్యార్డితో ప్రేమాయాణం సాగించిన టిచర్ పాత్రలో నటించి  కుర్రకారు మతుల్నిపోగొట్టిన  నటి . 

అయితే ఇదంతా మనకు అవసరం లేదు కాని ఈమే కు పాపం ఒక జబ్బుంది .దాని గురించి తెలుసుకోవలసిన అవసరం ఉంది . ఎందుకంటే దీనిని జబ్బు అని కొంతమంది స్త్రీవాదులు అనుకోరు . దీనిని ప్యాషన్ అని ,అది స్త్రీ స్వేచ్చ లో బాగమని పొరపడుతుంటారు . అందుకే దిని గురించి తెలుసుకుంటే మంచిదనేది . అ జబ్బు పేరు "బట్ట తక్కువ వ్యాది ". దీనినే ఇంగ్లిష్ లో exhibitionism అని అనవచ్చు. ఇది ఒక మానసిక రుగ్మత . ఈ రుగ్మతతో బాద పడే వారు ఒంటి నిండా బట్ట కప్పుకోవడానికి తెగ ఇబ్బంది పడి పోతుంటారు .  తరగని వస్త్ర సంపద ఉన్నా , ఒంటిని మాత్రం చిన్న పిలికతో కప్పుకుని ఎదుటి వారిని ఆకర్షించాలని తెగ ఉభలాట పడి పోతుంటారు . అది చూసి ఎవరైనా మగాళ్ళు అదుపు తప్పితే , వారిని మృగాల్ల క్రింద జమ కట్టేసి నానా యాగి చేసి జాతియ మీడియాలో పోకస్ అయి తమ రేటింగ్ లు పెంచేసుకుంటారు .                                                                                                                                                                                                                                                                                                          అలాంటి బట్ట తక్కువ వ్యాది తో బాద పడుతున్న పూనం పాండే గారు మొన్న ముంబాయిలో అర్దరాత్రి 11 గంటలకు కారును ఒక చోట ఆపి , తన బట్ట తక్కువ తన్నాన్ని ప్రదర్శిస్తుంటే , అటుగావెళుతున్న పోలీసులు ఆమెను చూసి జీపు ఆపి వెళ్లి ఆమెను అరెస్ట్ చేసి అసభ్య ప్రవర్తన క్రింద కేసు బుక్ చేసారు అట . అ తర్వాత ఎవరో రాజకీయ నాయకుడు పోన్ చేస్తే వార్నింగ్ ఇచ్చి వదిలేశారట . ఆమె మాత్రం పోలీసులు తనను అడిగారు తప్పా , పోలిస్ స్టేషన్ కి తీసుకు వెళ్ళలేదు అంటుంది . తీసుకు వెళ్ళారో లేదో క్రింది విడియో చూస్తె తెలుస్తుంది .                                                                                                                                                                                                                                                                                                                               ఏది ఏమైనా బట్ట తక్కువ వ్యాదితో బాద పడే వారిని జాలి తలచి ఒంటినిండా బట్ట  కప్పాలి కాని , ఇలా అరెస్ట్ చెయ్యడమేమిటి , నాన్ సెన్స్ 1 అని సంస్కరణ వాదులు అడుగుతున్నారట . నిజమేగా మరి !ఇక నుండి పోలీసులు బట్టలు మూటలు పోలిస్ జీప్ లో  పెట్టుకుని తిరగాలి మరి .                                                                                                                                                                                

video


                                                                         

Saturday, May 3, 2014

"ఉదయభాను" ని అంతలా ఆవేశ పరచిన అ "కొడుకు " ఎవరు !?

ఇంతకు ముందే టి.వి మహిళా యాంకర్ ఉదయభాను పాడిన పాటకు సంబందించి "నిగ్గదీసి అడుగు " అనే టైటిల్ తో యూ ట్యూబ్ లో ఏదో పెట్టారని పేస్ బుక్ లో చూసి , బహుసా ఆమె నిగ్గదీసి అడుగు అనే సినిమా పాటను ఆమె తన గొంతుతో పాదిందేమో అనుకుని క్రింది వీడియోను చూడడం జరిగింది . ఆమె పాడిన 4 చరణాలు సదరు పాటకు సంబందించినవి కావు . ఆమె పాడినది ఎవరో అవినీతి పరుడు అయిన ఆమె కొడుకు గురించి అనిపించింది . ఆమె ఆవేశo  చూసిన  నాకు అంతలా ఆమెను అవేశ పరచిన ఆమె కొడుకు ఎవ్వరో నాకు అర్ధం కాలేదు . మీకేమైనా తెలుస్తుందేమో అని ఆమె పాడిన 4 చరణాల వీడియోను పోస్ట్ చేస్తున్నాను . చూడండి  

   
                 
అయినా  ఉదయ బాను పిచ్చి కాకపొతే , అవినీతి పరులను ఆదరిస్తున్న ప్రజలను వదిలి పెట్టి , వారిని ఏమంటే ఏమి సుఖం ? ప్రజలు ఆదరిస్తున్నారు అంటే తాము చేసేది కరెక్టే అని అనుకోవడం మానవ సహజం . అందుచేత దమ్ముంటే ప్రజలను నిగ్గదీసి అడుగు సిరి వెన్నెలా సీతా రామ శాస్త్రిలా ! అది ఎలాగో క్రింది విడియోలో చూడండి .

                                           

Wednesday, April 16, 2014

వందన సమర్పణ ఎలా చేయాలో ఈ "ఉత్తమ కుమార్ " గారిని చూసి నేర్చుకోవలసిందే !

                                                                   

సభా సాంప్రదాయాలు తెలియని వారు ఘనంగా సభలు నిర్వహిస్తారు . అందరి సంగతి ఏమో కాని ఈ  రోజు కరీంనగర్ లో కాంగ్రెస్ వారు నిర్వహించిన సభ చప్పగా సాగింది అని చెప్పవచ్చు . అధిష్టాన దేవత ఎలాగో చూసి చదువుతుంది కాబట్టి , కంపెని సెక్రటరి వార్షిక నివేదిక చదివినట్లు అనిపిస్తుంది . పోనీ ఇంకా ఎవరైనా ప్రజల్ని ఆకట్టుకునేలా  మాట్లాడారా అంటే అబ్బే అందరికి దేవతను పొగడటం మిద ఉన్న యావ తెలంగాణా బవిశ్యత్ మిద ఉన్నట్లు లేదు . ఇక అందరూ అమ్మకి కండువాలు కప్పాకా , చివరకు వందన సమర్పణ చేయమని తెలంగాణా కాంగ్రెస్ వర్కింగ్ ప్రెసిడెంట్ ఉత్తమ కుమార్ రెడ్డి గారికి అవకాసా మిచ్చారు . ఆయనకి అసలు వందన సమర్పణ అంటే ఏమిటో బొత్తిగా తెలిసినట్లు లేదు . అందుకే అయన కూడా పొడి పొడి మాటలతో తానూ కూడా ఉపన్యాసం చెప్పి వెళ్లి పోయాడు . మొత్తానికి వందన సమర్పణ లేకుండానే బారి భహిరంగ సభ ముగిసింది .
     ఉత్తం  గారి  ఉత్తుత్తి వందన సమర్పణ ఎలా ఉందొ చూడాలంటే క్రింది విడియోలో చూడవచు!
             
                 

Tuesday, April 15, 2014

ఎలెక్ట్రాన్ , ప్రోటాన్ లానే న్యూట్రాన్ లను గుర్తించాలన్న సుప్రీం కోర్టు.అప్ ఇండియా !

                                                                 


మానవ సమాజం ,ఒక  అణువు లాంటి నిర్మాణం తో పోలిస్తే అందులో ఎలెక్ట్రాన్ లు న, ప్రోటాన్ లు ఉన్నట్లే సమాజo లో స్త్రీలు , పురుషులు ఉన్నారు . అలాగే ఈ రెండు లింగాలే కాకుండా అటూ ఇటూ కాని వారు కూడా ఉన్నారు . మన దేశంలో ఇప్పటి దాక వారికి, వారు కోరుకున్నట్లు స్త్రీ యో , లేక పురుషుడి గానో పరిగణిస్తూ అన్ని సౌకర్యాలు ఇవ్వటం జరుగుతుంది . కాని దేవుడే తమని ఒక ప్రత్యెక జాతిగా పుట్టిస్తే , మీరేమిటి మాకు సంబంధం లేని జాతిలో(లింగం) మమల్ని చేర్చి అవమాన పరచడం అని వారిలో చైతన్య వంతులైన వారు కొందరు సుప్రీం కోర్టును ఆశ్రయించారు .
 నిజమే మరి అణువులో ఎలెక్ట్రాన్ , ప్రోటాన్ లతో పాటు న్యూట్రాన్ లు ఉంటాయి కదా ! వాటి స్వబావ రిత్యా వాటిని గుర్తించి , న్యూట్రాన్ లని ప్రత్యేకంగా పరిగాణిస్తున్నట్టే ఈ న్యూట్రల్ ల్స్ ని గుర్తించాలి కాని , స్త్రీ పురుషులలో కలిపి వారికి రావాల్సిన ప్రత్యెక  సౌకర్యాలు రాకుండా చేయటమేమిటి ? ప్రత్యెక సౌకర్యాలు ఏమిటంటార ? ఇక నుండి వారు సెక్సువల్ మైనారిటిలు . వారికి కూడా ఇతర మైనార్టిలు కు ఉండే ప్రత్యెక సౌకర్యాలు అన్ని లభిo చవచ్చు . ఈ  విదంగా వారు సక్సేసే అయినట్లే! కాకపొతే ఈ తీర్పు  తమకు కూడా వర్తిస్తుందని కొంతమంది హోమో లు, లెస్బియన్ లు అపోహ పడుతున్నట్లు ఉంది . వారికి ఎంత మాత్రం ఈ తీర్పు వర్తించదని , జన్మతః తృతీయ ప్రక్రుతి కలిగి ఉన్న వారికె ఈ  తీర్పు వర్తిస్తుందని ఉన్నత న్యాయ స్తానం వారు స్పష్టంగా చెప్పారు .
    మరి రిజర్వేషన్ సౌకర్యాలు కోసం కులాలు ని , తెగలు ని సైతం రికార్డు పరంగా మార్చుకునే ఘనులు ఉన్న మన  దేశం లో ఈ  న్యూట్రల్ మైనార్తి సౌకర్యలకోసం కృత్రిమ ఆపరేషన్లు చేయించుకుని ,అన్ని ఉన్న వారు   కూడా న్యూట్రల్ గా మారి సర్టిపికేట్ లు పొందరా అంటే , న్యూట్రల్స్  రాజ్యాదికారులుగా ఉన్నంత కాలం అవి జరుగుతూనే ఉంటాయి . ఇప్పుడు డబ్బు కోసం ఏంతో  మంది మగపిల్లలు "కోజ్జాలు " గా మారుతున్నా దౌర్బాగ్యపు సమాజంలో రేపు సౌకర్యాలు కోసం మారరని  గ్యారంటి ఏమి లేదు . అవినీతి సమాజంలో అన్నిo టి ని మార్చవచ్చు . అప్త్రాల్ లింగాలు ఎంత ?
  ఏది ఏమైనా ఇన్నాలకు న్యూట్రాన్ లను గుర్తించడం ద్వారా మన సమాజం పరిపూర్నమైంది . ఇకపోతే మిగిలింది ఆప్పోజిట్  ఎలేక్రాన్ , అపోజిట్ ప్రోటాన్ లను గుర్తించాల్సి ఉంది . అదే నండి , హోమో లు , లెస్బియన్ లు . ఈ సారి వారిని సపోర్ట్ చేసే రాహుల్ , సోనియాలు అధికారం లోకి వస్తే , చట్టం చేసి వారికి కూడా మైనార్టీ హోదా తో పాటు అన్ని సౌకర్యాలు కల్పించే అవకాశముంది . ఇంకేం మరి ! ఈ ఎన్నికల్లో వారిని గెలిపిస్త్రే పోలా!

Wednesday, April 9, 2014

ఆమెను చూస్తె తాకబుద్ది అవుతుందట !ఈయన్ని చూస్తె పికబుద్ది అవుతుందట !

                                                                   


2014 ఎలెక్షన్ల తేది లు ప్రకటించేశారు . రాజకీయాలలో ఉన్నవారు , సినిమా రంగంలో ఉన్న వారు తమ తమ అదృష్టాలను పరిక్షించు కోవటానికి సమాయత్త మవుతున్నారు ఈ సమయంలో వారికి గుళ్ళో దేవుని కరుణ కంటే , ఓటరు దేవుని కరుణే అత్యంత అవస్యకం ! అందుకె పొద్దున్న లేచినది మొదలు రాత్రి పడుకోబోయే వరకు రోజూ లక్షలాది ఓటరు దేవుళ్ళను కరునించమని ప్రార్దిస్తూ (అలా నటిస్తూ ), సందు సందుకు , గొంది గొంది కు తిరుగుతున్నారు . మరి ఇటువంటి వారి  తిప్పలు చూస్తున్న ఓటర్లు కొంతమందికి జాలి కలిగి ఓటు వేసి కరునిద్దామా అనే ఆలోచనలో పడుతుంటే , మరి కొంత మందికి విరి చేష్టలు చూసి , వికారం కలిగి , తమలో కలిగే వికారాలను ప్రత్యక్షంగా తెలియ చేస్తున్నారు . అదెలాగ అంటే

     ఉదాహరణకు డిల్లీలో రాష్ట్ర ఎన్నికలలో అధికారానికి దగ్గరగా చేరువైన ఆమ్ అద్మి పార్టి అదినేత అరవింద్ కేజ్రివాల్ గారికి మంచి అవకాసం వచ్చినా అంటే రాష్ట్ర పాలనా అధికారం  కట్టబెట్టినా , సరిగ్గా వ్యవహరించకుండా తిక్కల నిర్ణయంతో ముఖ్యమంత్రి పదవికి రాజీనామా చేసి , అవినీతి నిర్మూలనే తమ అజెండా అని ప్రగల్బాలు పలికి , అసలు అవినీతి సామ్రాట్ లను వదిలివేసి , వారి భరతం పడతానంటున్న మోడీ గారికి వ్యతిరేకంగా ప్రచారాలు చేస్తూ , కాంగ్రెస్ వారికి పరోక్షంగా సహాయం చేస్తున్న , డి గ్రేట్ అరవింద్ కేజ్రివాల్ గారిని చూస్తె ఒక అటో డ్రైవర్ కి ఎందుకో కాని ఆయనకి ఒక దండ వేసి చెంప మిద పీక బుద్ది అయిందట ! అంతే! వెంటనే ఒక పూల దండ కొనుక్కుని అరవింద్ గారి కాన్వాయి దగ్గరికి వచ్చాడట . ఇంకేం , తనకు అభిమాని ఎవరో పూలదండ వేస్తున్నాడేమో అనుకుని  అనుకుని అతనికి అవకాసమిస్తె , సదరు అటో డ్రైవర్ పూలదండ వేసినట్లు వేసి , వెంటనే కేజ్రివాల్ చెంప మిద ఒకటి పీకాడట ! దానితో నివ్వెరపోయిన కేజ్రివాల్ అనుచరులు వెంటనే తేరుకుని అతని మిద దాడి చేసి కొట్టి పోలీసులకు అప్పచెప్పారట .
  కేజ్రివాల్ గారికి పై అనుభవం ఎదురైతే , ప్రముఖ గ్లామరస్ నటిమణి నగ్మా గారికి మరో రకం అనుభవాలు ఎదురవుతున్నాయట . ఆమె గారిని చూస్తుంటే ఓట్లు వేయడం తర్వాత కానీ , ఒక్క సారి ఆమెను  తాకితే  చాలు! జన్మ దన్యమైనట్లే ! అని బావిస్తున్నారట ఓటర్లు . అందుకే ఆమెను ఎలాగైనా తాకాలని ఒకరి మిద ఒకరు పోటి పడి పొలిసు వారికి సెక్యూరిటి ప్రాబ్లం కలుగ చేస్తున్నారట . మొన్న ఒక ముసలాయన , M.L.A అంతటి వాడే ఆపుకోలేక టక్కున నగ్మాని ముద్దు పెట్టుకున్నాడట . అది చూసిన పోలిస్ అధికారులు ఇక లాబం లేదని నగ్మాకి పెద్ద ఎత్తున పోలిస్ సెక్యూరిటి కలుగ చేసారట . వీళ్ళు  నాయకులైతే  ప్రజలకు ఏమి సేవ చేస్తారో తెలియదుకాని ప్రస్తుతం మాత్రం ఓటర్లు వీళ్ళని గోకకుండా  కాపాడానికే  ప్రజా దనం  ఎకువ ఖర్చు చేయాల్సి వస్తుంది . అది సంగతి

     ఒక చోట  నగ్మాను  చూస్తె తాకబుద్ది అవుతుందట !మరొక చోట కేజ్రివాల్ ను  చూస్తె పికబుద్ది అవుతుందట ! ఓట్లు వేయండి అని అడుగుతుంటే ఈ  తాకుడు , పికుడు గోల ఏమిటో అర్ధం కావటం లేదట అబ్యర్డులకు! కేజ్రివాల్ గారి చెంప చెళ్ళు కద గురించి మరింత సమాచారం కొరకు క్రింది వీడియోను చూడండి .